فيديو: خاصية التوزيع في الضرب

اكتب مقدارين مكافئين لمساحة المستطيل الآتي.

٠١:٢٣

‏نسخة الفيديو النصية

اكتب مقدارين مكافئين لمساحة المستطيل الآتي:

ومُعطى عندنا مستطيل بالشكل ده، ومُعطى طوله بيساوي س زائد اتنين، وعرضه سبعة. وخلينا نفتكر إن مساحة المستطيل بتساوي طوله في عرضه؛ فبالتالي هتبقى مساحة المستطيل بتساوي … وهنعوض عن الطول بـ س زائد اتنين، في العرض، وهنعوض عنه بسبعة؛ فبالتالي هتبقى مساحة المستطيل بتساوي سبعة في س زائد اتنين، وبالتالي هيبقى ده أول مقدار مكافئ لمساحة المستطيل.

وأما المقدار المكافئ التاني فنقدر نوجده عن طريق إننا نضرب سبعة مرة في س ومرة في اتنين؛ فهيبقى بيساوي … هنضرب في الأول سبعة في س واللي هتساوي سبعة س، زائد … هنضرب بعد كده سبعة في اتنين واللي هتساوي أربعتاشر؛ فبالتالي هتبقى مساحة المستطيل بتساوي سبعة س زائد أربعتاشر، وده تاني مقدار مكافئ لمساحة المستطيل.

وبالتالي هيبقى المقدارين المكافئين لمساحة المستطيل هما سبعة في س زائد اتنين، وسبعة س زائد أربعتاشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.