تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تحديد الأشكال الثلاثية الأبعاد في التطبيقات الحياتية

أماني يوسف

يعرض الفيديو العديد من الصور والتطبيقات الحياتية لبعض الأشكال الثلاثية الأبعاد.

٠٢:٠٦

‏نسخة الفيديو النصية

تحديد الأشكال الثلاثية الأبعاد في التطبيقات الحياتية.

في الفيديو ده هنطبّق الأشكال الثلاثية الأبعاد في حياتنا. يعني هنجسّدها أو هنمثّلها في حاجات بنستخدمها في يومنا.

كل حاجة في حياتنا بنلمسها أو بنستخدمها هي شكل ثلاثي الأبعاد. ودي شوية صور لأشكال ثلاثية الأبعاد من أشكال وصور كتير.

المكعب، والهرم، والمخروط، والمنشور، والأسطوانة، ومتوازي الأضلاع، وكمان الكرة. فهناخد كل شكل من الأشكال دي، ونشوف تطبيقات ليه في الحياة.

بنشوف متوازي المستطيلات في علبة المناديل، وكمان علبة الكبريت. أمّا المكعب فبنشوفه في علبة الهدايا اللي على شكل مكعب، وكمان مكعب الروبيك، وحجر النرد.

وبالنسبة للمنشور الثلاثي فبنشوفه في المنشور الزجاجي اللي بيحوّل الضوء الأبيض لألوان الطيف السبعة. والأسطوانة فبنشوفها في البطارية، وكمان في علبة البطاطس. والمخروط فبنشوفه في الطرطور اللي بنلبسه في أعياد الميلاد، وكمان في بسكوتة المثلجات.

أمّا بالنسبة للهرم الثلاثي فبنلاقيه في الأهرامات. وآخر شكل هو الكرة بنلاقي الكرة في كرة القدم اللي بنلعب بيها. كمان بنلاقيها في البِلْي، والبرتقانة.

وبكده نكون خدنا شوية أشكال ثلاثية أبعاد، وحطّيناها في تطبيقات حياتية. وبكده نقدر نبصّ لأيّ شكل في حياتنا ونحدّد هو إيه.