فيديو: الدوال الخطية

اشترى رسَّام ٨ فرشات مقابل ٥٫٠٠ جنيهات لكل واحدة منها، وكان معه قسيمة توفِّر له تخفيضًا قيمته ٢٫٣١ جنيه من إجمالي المشتريات. اكتب الدالة التي تُمثِّل إجمالي سعر المشتريات، باعتبار أن ﺟ تُمثِّل عدد الفرشات، ﺹ تُمثِّل مقدار المال الذي أنفقه الرسام، ثم أوجد قيمة هذا المقدار.

٠١:٥٥

‏نسخة الفيديو النصية

اشترى رسام ثمانية فرشات مقابل خمسة جنيهات لكل واحدة منها، وكان معه قسيمة توفر له تخفيضًا قيمته اثنين وواحد وثلاثين من مائة جنيه من إجمالي المشتريات، اكتب الدالة التي تمثل إجمالي سعر المشتريات باعتبار إن ج تمثل عدد الفرشات، و ص تمثل مقدار المال الذي أنفقه الرسام، ثم أوجد قيمة هذا المقدار.

بما إن سعر الفرشة الوحدة هو خمس جنيهات من المعطيات، فلو رمزنا لعدد الفرشات بالرمز ج، فهيبقى سعر الفرشات بيساوي خمسة ج، يعني خمسة اللي هو سعر الفرشة الواحدة في ج اللي هو عددهم، بعدين نطرح قيمة التخفيض اللي هي اتنين وواحد وتلاتين من مية جنيه، فهتبقى ص اللي هي مقدار المال اللي أنفقه الرسام ‏بتساوي سعر الفرشات اللي هي خمسة ج ناقص قيمة التخفيض اللي هي اتنين وواحد وتلاتين من مية، ودي الدالة اللي بتمثل إجمالي سعر المشتريات، لو عاوزين نوجد قيمة ص فهنعوّض عن ج بعدد الفُرشات اللي اشتراها الرسام اللي هو تمن فُرشات، يبقى في الحالة دي ص هتساوي خمسة، هنعوّض عن ج بتمنية، ناقص اتنين وواحد وتلاتين من مية، ده هيساوي خمسة في تمنية هيساوي أربعين، ناقص اتنين وواحد وتلاتين من مية، وأربعين ناقص اتنين وواحد وتلاتين من مية جنيه هيساوي سبعة وتلاتين وتسعة وستين من مية جنيه، وده المبلغ اللي اشترى بيه الرسام الفُرشات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.