فيديو: تحديد المستطيل باستخدام خواصه

هل الشكل الرباعي الآتي مستطيل؟

٠١:٥٥

‏نسخة الفيديو النصية

هل الشكل الرباعي الآتي مستطيل؟

الشكل اللي قدّامنا ده هو متوازي أضلاع. متوازي الأضلاع خصائصه إن كل ضلعين متقابلين بيبقوا متوازيين، وبيبقوا متساويين. الشكل اللي قدّامنا ده عبارة عن متوازي أضلاع. متوازي الأضلاع خصائصه بيبقى فيه كل ضلعين متقابلين، بيبقوا متوازيين ومتساويين.

وعندنا حالات خاصّة من حالات متوازي الأضلاع. يعني لو اتحقّقت شروط أكتر في متوازي الأضلاع اللي قدّامنا، هيصبح شكل آخر، هيدّينا شكل آخر فيه مواصفات زيادة.

فلو أصبح فيه كل زواياه قوائم، يعني كل زاوية من الزوايا بتاعته زاوية قياسها تسعين درجة، هيصبح الشكل ده في الحالة دي اسمه مستطيل. بيتحقّق فيه شروط متوازي الأضلاع، من إن كل ضلعين متقابلين متوازيين ومتساويين. وفي نفس الوقت شرط زيادة، هو إن جميع زواياه قوائم. وأصبح اسمه المستطيل.

المستطيل بقى لو اتحقّق فيه شرط إضافي، وهو إن ضلعين متجاورين يبقوا متساويين، ده معناه إن هيبقى الأربع أضلاع متساوية. لأنه أصلًا بيتحقّق فيه شرط إن كل ضلعين متقابلين متساويين. اللي هو وارثه من متوازي الأضلاع. يبقى لو كمان فيه ضلعين متجاورين متساويين، معناها إن الأربع أضلاع هيبقوا متساويين. وهو كمان وارث صفة من صفات المستطيل؛ لأنه حالة خاصّة منه. اللي هي إن أربع زواياه قوائم. الحالة دي الشكل اللي عندنا ده اسمه مربع. وهو أصلًا عبارة عن حالة خاصّة من حالات المستطيل. فبالتالي أقدر أقول عليه إن هو مستطيل، بس بيتحقّق فيه شرط زيادة، وهو إن جميع أضلاعه متساوية.

فيبقى كده إجابة السؤال: «هل الشكل الرباعي الآتي مستطيل؟» فأقدر أقول: نعم.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.