تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تحديد إشارة الدالة بمعلومية تمثيلها البياني

أحمد مدحت

عَيِّن إشارة الدالة الممثّلة بالشكل التالي في ح.

٠١:٣١

‏نسخة الفيديو النصية

عَيِّن إشارة الدالة الممثّلة بالشكل التالي في ح.

عندنا في المثال شكل عبارة عن تمثيل بياني لدالة. وعايزين نستفيد منه في تحديد إشارة الدالة دي في ح، حيث ح هي مجموعة الأعداد الحقيقية. فهنرجع للتمثيل البياني اللي عندنا، هنلاقي التمثيل البياني للدالة بيقطع محور السينات عند س تساوي سالب واحد، وعند س تساوي تلاتة. وده معناه إن الدالة تساوي صفر عند س تساوي سالب واحد، وعند س تساوي تلاتة. وكمان هنلاقي إن التمثيل البياني للدالة فوق محور السينات لمّا س تكون أكبر من سالب واحد وأقلّ من تلاتة. وده معناه إن الدالة موجبة عند س أكبر من سالب واحد وأقلّ من تلاتة.

أمَّا التمثيل البياني للدالة، فهنلاقيه تحت محور السينات، واللي معناه إن إشارة الدالة هتكون سالبة. وده عند س أقلّ من سالب واحد، أو س أكبر من تلاتة. يعني الدالة سالبة عند س أقلّ من سالب واحد أو س أكبر من تلاتة. بكده هتبقى الدالة موجبة لمّا س تنتمي للفترة المفتوحة من سالب واحد لتلاتة. والدالة سالبة لمّا س تنتمي لـ ح، واللي هي مجموعة الأعداد الحقيقية فرق الفترة المفتوحة من سالب واحد لتلاتة. والدالة تساوي صفر لمّا س تنتمي للمجموعة سالب واحد وتلاتة.

بكده هيبقى إحنا عَيّنّا إشارة الدالة الممثّلة عندنا في الشكل.