فيديو: إيجاد محيط مثلث

مثلث رءوسه تقع عند النقاط ﺃ، ﺏ، ﺟ بإحداثيات (−٢، −٢)، (−١، ٧)، (٣، ١) على الترتيب. أوجد محيط المثلث ﺃﺏﺟ لأقرب رقمين عشريين.

٠٣:١٢

‏نسخة الفيديو النصية

مثلث رءوسه تقع عند النقاط أ وَ ب وَ ﺟ، بإحداثيات سالب اتنين وسالب اتنين، وسالب واحد وسبعة، وتلاتة وواحد، على الترتيب. أوجد محيط المثلث أ ب ﺟ لأقرب رقمين عشريين.

إحداثيات النقط دي بتعبّر عن قيم السينات والصادات، فالنقطة أ هتبقى لو كانت دي س واحد يبقى دي ص واحد، ودي س اتنين وص اتنين، ودي س تلاتة وَ ص تلاتة؛ هي دي النقاط أ وَ ب وَ ﺟ. علشان نوجد محيط المثلث أ ب ﺟ لازم نوجد مجموع أطوال أضلاعه؛ يعني هيساوي أ ب زائد ب ﺟ زائد أ ﺟ، ولإيجاد طول أ ب أو ب ﺟ وَ أ ﺟ، بنوجد الفرق ما بين الإحداثيات السينية وإحداثيات الصادات، ونربّعهم، ونوجد الجذر التربيعي لقيمة المجموع. في الـ أ ب، الـ س اتنين ناقص س واحد، يبقى سالب واحد ناقص سالب اتنين والكل تربيع، زائد … الـ ص اتنين ناقص الـ ص واحد يبقى سبعة ناقص سالب اتنين، الكل تربيع، ونوجد لهم الجذر التربيعي؛ السالب واحد ناقص السالب اتنين، يعني سالب واحد زائد اتنين قيمتها واحد، السبعة ناقص السالب اتنين، يعني سبعة زائد اتنين، يبقى قيمتها تسعة؛ يبقى الـ أ ب هتساوي الجذر التربيعي للواحد زائد الواحد وتمانين، يعني الجذر التربيعي لاتنين وتمانين.

بنفس الطريقة هنوجد طول ب ﺟ وَ أ ﺟ، يبقى الـ ب ﺟ هتساوي الجذر التربيعي للـ س تلاتة ناقص الـ س اتنين الكل تربيع، زائد الـ ص تلاتة ناقص الـ ص اتنين الكل تربيع، والـ أ ﺟ هتساوي الجذر التربيعي للـ س تلاتة ناقص الـ س واحد الكل تربيع، زائد الـ ص تلاتة ناقص الـ ص واحد الكل تربيع. بالتعويض عن القيم، يبقى الجذر التربيعي س تلاتة ناقص س اتنين، هتبقى تلاتة ناقص سالب واحد تربيع، زائد … الـ ص تلاتة قيمتها واحد، ناقص الـ ص اتنين قيمتها سبعة، يبقى واحد ناقص سبعة تربيع، يبقى هتساوي الجذر التربيعي لاتنين وخمسين.

الـ أ ﺟ هتبقى س تلاتة ناقص س واحد، يبقى تلاتة ناقص سالب اتنين تربيع، زائد … الـ ص تلاتة ناقص الـ ص واحد، يبقى الواحد ناقص سالب اتنين تربيع؛ هتساوي الجذر التربيعي للأربعة وتلاتين.

محيط المثلث أ ب ﺟ، يبقى مجموع الأطوال اللي إحنا أوجدناها دي، هيساوي الجذر التربيعي لاتنين وتمانين زائد الجذر التربيعي لاتنين وخمسين زائد الجذر التربيعي للأربعة وتلاتين، هيساوي تقريبًا باستخدام الآلة الحاسبة اتنين وعشرين وعشرة من مية بالتقريب لأقرب رقمين عشريين، وهو ده قيمة محيط المثلث أ ب ﺟ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.