تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد مجموع الزوايا الداخلية لشكل سداسي

أحمد لطفي

ما مجموع قياسات الزوايا الداخلية للشكل السداسي؟

٠٢:٠٩

‏نسخة الفيديو النصية

ما مجموع قياسات الزوايا الداخلية للشكل السداسي؟ في البداية عشان أقدر أوجد مجموع قياسات الزوايا الداخلية للشكل السداسي، عندنا طريقتين؛ أول طريقة لو عندنا شكل سداسي بالشكل ده، هنرسم جميع الأقطار من أحد رؤوس الشكل السداسي عشان نكوّن مثلثات، وبالتالي هيكون عندنا أربع مثلثات؛ واحد، اتنين، تلاتة، أربعة. ومجموع قياسات الزوايا الداخلية للمثلث هو مية وتمانين درجة، وبالتالي هنضرب عدد المثلثات في مية وتمانين درجة عشان نقدر نوجد قياسات الزوايا الداخلية للشكل السداسي. وبالتالي، ويبقى مجموع قياسات الزوايا الداخلية للشكل السداسي هيساوي عدد المثلثات في مية وتمانين درجة، يعني هيساوي … عندنا عدد المثلثات كانوا أربعة، فهيكون عندنا أربعة في مية وتمانين درجة، يعني هيساوي سبعمية وعشرين درجة. ويبقى كده قدرنا نوجد مجموع قياسات الزوايا الداخلية للشكل السداسي، وكان بيساوي سبعمية وعشرين درجة.

وبكده نكون عرفنا أول طريقة. بالنسبة للطريقة التانية، بالنسبة للطريقة التانية، هنستخدم الصيغة الرياضية لمجموع قياسات الزوايا الداخلية لمضلع عدد أضلاعه ن، هنمسح الخطوات السابقة، بالتالي هيكون عندنا مجموع قياسات الزوايا الداخلية للشكل السداسي هيساوي ن ناقص اتنين في مية وتمانين درجة؛ حيث ن هو عدد أضلاع الشكل السداسي. هنعوّض عن ن بستة فهيساوي ستة ناقص اتنين في مية وتمانين درجة، يعني هيساوي أربعة في مية وتمانين درجة؛ يعني هيساوي سبعمية وعشرين درجة.

وبالتالي قدرنا نوصل إن مجموع قياسات الزوايا الداخلية للشكل السداسي هيساوي سبعمية وعشرين درجة باستخدام طريقتين مختلفتين.