فيديو: طرح عددين حتى ٩٩٩

جمعت يارا ٧٩٦ طابعًا. إذا أعطت ١٣٥ طابعًا لصديقتها، فما عدد الطوابع المتبقية؟

٠٢:٤٨

‏نسخة الفيديو النصية

جمعت يارا سبعمية ستة وتسعين طابعًا. إذا أعطت مية خمسة وتلاتين طابعًا لصديقتها، فما عدد الطوابع المتبقية؟

فيه بنت اسمها يارا بتحب تجمع الطوابع. يارا جمعت سبعمية ستة وتسعين طابع. لو ادّت لصاحبتها مية خمسة وتلاتين طابع، يتبقى معاها كام؟ أو ما عدد الطوابع المتبقية؟

ما دام سمعنا كلمة متبقية، ويارا كان معاها عدد كبير من الطوابع وقَلّ، فده معناه إننا هنطرح. هنطرح إيه؟ عدد الطوابع الكلي اللي كان مع يارا، نشيل منه الطوابع اللي ادّتها لصاحبتها. فنكتب الأول العدد الكبير اللي هو سبعمية ستة وتسعين. السبعمية في المئات، والستة في الآحاد، والتسعة في العشرات. بعدين نحط علامة الناقص. بعدين نكتب العدد اللي يارا ادّته لصاحبتها، اللي هو مية خمسة وتلاتين. خمسة آحاد تحت الآحاد، تلاتة عشرات تحت العشرات، واحد مئات تحت المئات. بعدين نشد خط الناتج بتاعنا، ونبدأ نطرح.

أول حاجة هنطرحها هي الآحاد؛ ستة ناقص خمسة. آدي ستة صوابع طلعناهم على إيدينا، وهنشيل منهم خمسة. فنبدأ نشطب على خمسة؛ واحد، اتنين، تلاتة، أربعة، خمسة. ما اتبقلناش غير صُباع واحد بس. فده معناه إن ستة ناقص خمسة واحد.

بعدين نطرح العشرات؛ تسعة ناقص تلاتة. آدي التسع صوابع، وهنشيل منهم تلاتة؛، واحد، اتنين، تلاتة. تعالوا بقى نعدّ الباقي عندنا إيه؟ واحد، اتنين، تلاتة، أربعة، خمسة، ستة؛ يبقى الناتج ستة.

بعدين آخر حاجة هنطرحها هي المئات؛ سبعة ناقص واحد. آدي السبع صوابع، وهنشيل منهم واحد. تعالوا نشطب على الصُّباع ده. اتبقى لنا كام صُباع؟ واحد، اتنين، تلاتة، أربعة، خمسة، ستة؛ برضو الناتج ستة. وبكده تكون طرحنا الآحاد والعشرات والمئات، وجبنا ناتج الطرح الكلي؛ ستمية واحد وستين. فده معناه إن الطوابع اللي اتبقت مع يارا ستمية واحد وستين طابعًا، وهي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.