فيديو: إيجاد حجم هرم مثلثي الشكل

هرم ثلاثي به مثلث قاعدته ٩٫٥ وارتفاعه ٨. إذا كان ارتفاع الهرم ١٢٫٢، فما حجمه لأقرب جزء من مائة؟

٠١:٥٦

‏نسخة الفيديو النصية

هرم ثلاثي به مثلث قاعدته تسعة وخمسة من عشرة، وارتفاعه تمنية، إذا كان ارتفاع الهرم اتناشر واتنين من عشرة، فما حجمه لأقرب جزء من مائة.

دلوقتي إحنا معطى عندنا إن قاعدة الهرم على شكل مثلث، قاعدة المثلث ده تسعة ونص وارتفاعه تمنية، وإحنا عارفين إن مساحة المثلث بتساوي نصف القاعدة في الارتفاع؛ يعني هيساوي نص … والقاعدة عندنا تسعة ونص، وارتفاع المثلث تمنية. نقدر نختصر تمنية على اتنين هيساوي أربعة، عايزين نجيب حاصل ضرب أربعة في تسعة ونص، هنلاقي إن الناتج تمنية وتلاتين؛ يبقى دي مساحة المثلث اللي بيمثّل قاعدة الهرم.

طب إحنا مطلوب مننا نحسب حجم الهرم، طب العلاقة اللي بنحسب منها الحجم هي إن حجم الهرم عبارة عن تلت مساحة قاعدته في الارتفاع بتاعه، وإحنا حسبنا مساحة قاعدته؛ يبقى تِلت، في مساحة القاعدة اللي هو تمنية وتلاتين، في الارتفاع معطى عندنا في السؤال باتناشر واتنين من عشرة، يعني هنضرب في اتناشر واتنين من عشرة، باستخدام الآلة الحاسبة لو أجرينا عمليات الضرب اللي عندنا دي؛ هنلاقي إن الناتج تقريبًا مية أربعة وخمسين وخمس آلاف تلتمية تلاتة وتلاتين من عشرة آلاف، وإحنا مطلوب مننا نوجد الحجم مقرَّبًا لأقرب جزء من مائة، هنحط خط تحت الرقم اللي في الخانة المكانية المطلوبة، اللي هي خانة الأجزاء من مائة، وبعدين بنبص على الرقم اللي على يمين الرقم اللي حطينا تحته الخط، لو الرقم ده أقل من خمسة فبنحول كل الأرقام اللي على يمين الرقم اللي تحته خط إلى أصفار.

يبقى حجم الهرم بعد التقريب لأقرب جزء من مائة هيبقى مية أربعة وخمسين وتلاتة وخمسين من مية تقريبًا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.