فيديو: إيجاد النسبة المئوية لجزء مُقارَنةً بالكل للكسور البسيطة

في مباراة كرة سلة، أحرز لؤي ١٩ نقطة من أصل ٥٠ نقطة. أوجِد النسبة المئوية للنقاط التي أحرزها لؤي.

٠٢:١٤

‏نسخة الفيديو النصية

في مباراة كرة سلة أحرز لؤي تسعتاشر نقطة من أصل خمسين نقطة. أوجد النسبة المئوية للنقاط التي أحرزها لؤي.

وعشان نوجد النسبة المئوية، هنكتب في الأول النقاط اللي أحرزها لؤي في صورة كسر. فمعطى عندنا إن لؤي أحرز تسعتاشر نقطة من أصل خمسين نقطة. فلو عايزين نكتب النقاط اللي أحرزها لؤي في صورة كسر، يبقى هنكتب تسعتاشر اللي هما تسعتاشر نقطة اللي أحرزهم لؤي، على عدد النقاط الكلي اللي هو خمسين نقطة، فهيبقى عندنا الكسر تسعتاشر على خمسين، واللي بتمثل عدد النقاط اللي أحرزها لؤي اللي هو أحرز تسعتاشر من أصل خمسين.

بعد كده علشان نوجد النسبة المئوية للنقاط اللي أحرزها، يبقى هنحتاج إننا نكتب كسر مكافئ للكسر تسعتاشر على خمسين، ويكون مقامه مية، وهنبدأ نشوف إزاي نكتب الكسر تسعتاشر على خمسين في صورة كسر مكافئ مقامه مية. فهنشوف خمسين هنا علشان تبقى مية هنضربها في كام؟ هنضربها في اتنين، فبالتالي هنضرب البسط والمقام في العدد نفسه علشان يفضل الكسر له نفس القيمة؛ فمعنى كده إننا هنضرب تسعتاشر اللي في البسط في اتنين. فلما نضرب اتنين في تسعتاشر هتساوي تمنية وتلاتين، وعرفنا إن اتنين في خمسين بتساوي مية، فبكده يبقى الكسر تمنية وتلاتين على مية هو كسر مكافئ لتسعتاشر على خمسين لكن مقامه مية.

فدلوقتي بعد ما كتبنا الكسر بالشكل ده، نقدر نوجد النسبة المئوية للنقاط اللي أحرزها لؤي. فتمنية وتلاتين على مية هي بتساوي تمنية وتلاتين في المية؛ فبالتالي هيبقى النسبة المئوية للنقاط التي أحرزها لؤي هي تمنية وتلاتين في المية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.