تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد سرعة كرة بعد تصادمها مع كرة أخرى تتحرَّك في نفس الاتجاه

أحمد لطفي

تتحرك كرتان كتلتاهما ٢٫٤ و٠٫٨ كيلوجرام أفقيًّا في نفس الاتجاه وعلى طول الخط المستقيم نفسه. تحرَّكت الكرة الأولى بسرعة ٤ م/ث، وتحركت الكرة الثانية بسرعة ١٩ م/ث. إذا اصطدمت الكرتان وزادت سرعة الكرة الأولى بمقدار ٧ م/ث، فأوجد سرعة الكرة الأخرى بعد التصادم مباشرةً.

٠٢:٥٨

‏نسخة الفيديو النصية

تتحرك كرتان، كتلتاهما اتنين وأربعة من عشرة، وتمنية من عشرة كيلوجرام، أفقيًّا في نفس الاتجاه، وعلى طول الخط المستقيم نفسه. تحركت الكرة الأولى بسرعة أربعة متر عَ الثانية. وتحركت الكرة الثانية بسرعة تسعتاشر متر عَ الثانية. إذا اصطدمت الكرتان، وزادت سرعة الكرة الأولى بمقدار سبعة متر عَ الثانية. فاوجد سرعة الكرة الأخرى بعد التصادم مباشرةً.

في البداية، معطى إن كتلة الكرة الأولى اتنين وأربعة من عشرة كيلوجرام. وكتلة الكرة الثانية تمنية من عشرة كيلوجرام. وسرعة الكورة الأولى أربعة متر عَ الثانية. وسرعة الكورة التانية تسعتاشر متر عَ الثانية. وبما إن الكورتين بيتحركوا في نفس الاتجاه، يبقى هنفرض إن الاتجاه اللي بيتحركوا فيه الكُرتين، هو الاتجاه الموجب.

ومعطى إن سرعة الكورة الأولى زادت بمقدار سبعة متر عَ الثانية. وبالتالي لو عايزين نوجد سرعة الكرة الأخرى، بعد التصادم مباشرةً. هنستخدم العلاقة اللي بتكون: ك واحد، اللي هي كتلة الكورة الأولى. في ع واحد شرطة، اللي هي سرعة الكورة الأولى بعد التصادم. زائد ك اتنين، اللي هي كتلة الكورة التانية. في ع اتنين شرطة، اللي هي سرعة الكورة التانية بعد التصادم. بيساوي ك واحد، اللي هي كتلة الكورة الأولى. في ع واحد، اللي هي سرعة الكورة الأولى قبل التصادم. زائد ك اتنين، اللي هي كتلة الكورة التانية، في ع اتنين، اللي هي سرعة الكورة التانية قبل التصادم.

وبالتالي بالتعويض، هنعوّض عن ك واحد باتنين وأربعة من عشرة. في سرعة الكورة الأولى بعد التصادم. سرعة الكورة الأولى بعد التصادم، هنلاحظ إن معطى إن سرعة الكورة الأولى بعد التصادم زادت بمقدار سبعة متر عَ الثانية.

يبقى هنكتب سرعة الكورة الأولى قبل التصادم، اللي هي أربعة. زائد مقدار الزيادة في سرعة الكورة الأولى، اللي هي سبعة. زائد … هنعوّض عن ك اتنين بتمنية من عشرة. في سرعة الكورة التانية بعد التصادم محتاجين نوجدها. هيساوي … هنعوّض عن ك واحد باتنين وأربعة من عشرة. في سرعة الكورة الأولى قبل التصادم كانت بأربعة. زائد … هنعوّض عن ك اتنين بتمنية من عشرة. في سرعة الكورة التانية قبل التصادم، تسعتاشر.

بالنسبة للطرف الأيمن، عندنا اتنين وأربعة من عشرة في، أربعة زائد سبعة. يعني هتساوي ستة وعشرين وأربعة من عشرة. زائد تمنية من عشرة في ع اتنين شرطة. هيساوي … اتنين وأربعة من عشرة في أربعة، زائد تمنية من عشرة في تسعتاشر، هيساوي أربعة وعشرين وتمنية من عشرة.

لو عايزين نوجد ع اتنين شرطة، هنطرح من الطرفين ستة وعشرين وأربعة من عشرة. فهيكون عندنا تمنية من عشرة ع اتنين شرطة بيساوي سالب واحد وستة من عشرة. عشان نقدر نوجد ع اتنين شرطة، هنقسم الطرفين على تمنية من عشرة. فهيكون عندنا ع اتنين شرطة بتساوي سالب اتنين متر عَ الثانية. يبقى قدرنا نوجد سرعة الكرة الأخرى، بعد التصادم مباشرةً. وكانت بتساوي سالب اتنين متر عَ الثانية.