فيديو: إيجاد نصف قطر دائرة بمعلومية محيطها

باعتبار ٧/٢٢ قيمة 𝜋 التقريبية‎، ما نصف قطر الدائرة التي محيطها ٢٦٤ سم؟

٠١:٤٤

‏نسخة الفيديو النصية

باعتبار اتنين وعشرين عَ السبعة قيمة 𝜋 التقريبية، ما نصف قطر الدائرة التي محيطها ميتين أربعة وستين سنتيمتر؟

العلاقة اللي بنحسب منها محيط الدائرة هي اتنين 𝜋 نق، حيث نق دي هي نصف قطر الدائرة اللي بنحسب محيطها، مُعطى عندنا في السؤال محيط الدايرة ميتين أربعة وستين، يبقى هنعوّض في العلاقة دي عن المحيط بميتين أربعة وستين، وهيبقى بيساوي حاصل ضرب اتنين في 𝜋 قيمتها التقريبية مُعطاة باتنين وعشرين عَ السبعة في نصف القطر، وهو ده المجهول اللي المفروض نوجده. هنبسّط العلاقة أكتر ميتين أربعة وستين، هتبقى بتساوي حاصل الضرب اتنين في اتنين وعشرين عَ السبعة، هتبقى أربعة وأربعين على سبعة، في نق، دلوقتي عايزين نفصل نق نخليها في طرف لوحده، يبقى هنقسم على العدد اللي مضروب فيها، يعني هنقسم طرفَي المعادلة على أربعة وأربعين على سبعة، نفتكر إن عملية القسمة على عدد ما بتماثل عملية الضرب في المعكوس الضربي بتاعه، يعني دلوقتي أقدر أقول إن ميتين أربعة وستين لما أقسمها على أربعة وأربعين على سبعة، هي هي لو ضربتها في معكوسه الضربي يعني في سبعة على أربعة وأربعين، يبقى هنختصر العدد في معكوسه الضربي حاصل ضربهم دايمًا بيطلع بواحد، وباختصار العملية الحسابية اللي موجودة في الطرف الأيمن هيبقى ناتج الاختصار اتنين وأربعين، وكده يبقى استنتجنا نصف قطر الدائرة إن هو هيبقى بيساوي اتنين وأربعين سنتيمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.