فيديو: قسمة المقادير النسبية

يوضح الفيديو كيفية القيام بعملية القسمة للمقادير النسبية، وأمثلةً عليها.

٠٧:٤٥

‏نسخة الفيديو النصية

قسمة المقادير النسبية.

في الفيديو ده، هنتعلّم قسمة المقادير النسبية. عشان نقسم على كسر، بنضرب في مقلوبه. وبنستخدم نفس الطريقة لقسمة المقادير النسبية. يعني أ على ب، على ج على د. حيث أ، وَ ب، وَ ج، وَ د كثيرات حدود. وَ ب، وَ ج، وَ د لا يساوون الصفر. فده هيساوي أ على ب، في د على ج. اللي هو بيساوي أ د على ب ج.

يعني مثلًا س ناقص تلاتة، على س؛ على اتنين س تربيع، على خمسة. ده هيساوي س ناقص تلاتة، على س؛ في خمسة على اتنين س تربيع. اللي هو هيساوي خمسة في، س ناقص تلاتة، على اتنين س تكعيب. نتنقل لصفحة تانية، ونحلّ شوية أمثلة.

أوجد أربعة على خمستاشر ن تكعيب، على اتناشر على خمسة وعشرين ن.

يبقى هنحوّل عملية القسمة لضرب. وهنقلب المقدار النسبي التاني. فده هيساوي أربعة على خمستاشر ن تكعيب، في خمسة وعشرين ن على اتناشر. بعدين نقسم على العوامل المشتركة. فهنقسم على أربعة في بسط المقدار الأول، ومقام المقدار التاني. وعلى خمسة في مقام المقدار الأول، وبسط المقدار التاني. وعلى ن في مقام المقدار الأول، وبسط المقدار التاني.

فده هيساوي واحد على تلاتة ن تربيع، في خمسة على تلاتة. وده هيساوي واحد في خمسة، على تلاتة ن تربيع في تلاتة. وده هيساوي خمسة على تسعة ن تربيع.

نتنقل لصفحة تانية، ونحل مثال تاني. أوجد اتنين س زائد ستة، على س تربيع على س زائد تلاتة.

أول حاجة نكتب ذات الحدين س زائد تلاتة، على شكل كسر. فده هيساوي اتنين س زائد ستة، على س تربيع؛ على س زائد تلاتة، على واحد. بعدين نحوّل القسمة، لضرب في مقلوب س زائد تلاتة، على واحد. فده هيساوي اتنين س زائد ستة، على س تربيع؛ في واحد على، س زائد تلاتة.

بعدين نحلّل بسط المقدار الأول. فده هيساوي اتنين في، س زائد تلاتة، على س تربيع؛ في واحد، على س زائد تلاتة. بعدين نقسم على العوامل المشتركة. فهنقسم على س زائد تلاتة، في بسط المقدار الأول، ومقام المقدار التاني. فده هيساوي اتنين على س تربيع.

نتنقل لصفحة تانية، ونحلّ مثال تاني. أوجد أ ناقص اتنين على، أربعة أ زائد أربعة؛ على أ زائد خمسة، على أ زائد واحد.

هنحوّل القسمة، لضرب في مقلوب المقدار التاني. فده هيساوي أ ناقص اتنين، على أربعة أ زائد أربعة؛ في أ زائد واحد، على أ زائد خمسة. بعدين نحلّل مقام المقدار الأول. فده هيساوي أ ناقص اتنين، على أربعة في، أ زائد واحد؛ في أ زائد واحد، على أ زائد خمسة.

بعدين نقسم على العامل المشترك الأكبر، اللي هو أ زائد واحد. فهنقسم عليه في مقام المقدار الأول، وبسط المقدار التاني. فده هيساوي أ ناقص اتنين، على أربعة؛ في واحد على، أ زائد خمسة. وده هيساوي أ ناقص اتنين، على أربعة في، أ زائد خمسة.

نتنقل لصفحة تانية. في بعض الأحيان بنحتاج إننا نبسّط المقادير التربيعية، قبل ما نوجد ناتج القسمة ونبسّطه. يعني مثلًا عاوزين نوجد ص ناقص تلاتة، على ص تربيع ناقص عشرة ص زائد ستاشر؛ على ص تربيع ناقص تسعة، على ص ناقص تمنية.

فأول حاجة، هنحوّل القسمة، لضرب في مقلوب المقدار التاني. فده هيساوي ص ناقص تلاتة، على ص تربيع ناقص عشرة ص زائد ستاشر؛ في ص ناقص تمنية، على ص تربيع ناقص تسعة.

بعدين هنحلل المقادير التربيعية، في مقام المقدار النسبي الأول، ومقام المقدار النسبي التاني. فده هيساوي ص ناقص تلاتة، على ص ناقص تمنية، في ص ناقص اتنين؛ في ص ناقص تمنية، على ص ناقص تلاتة، في ص زائد تلاتة.

هنلاحظ إن البسط والمقام فيهم ص ناقص تلاتة، في ص ناقص تمنية. يبقى ده العامل المشترك الأكبر. فهنقسم عليه. نفتكر إننا بنشطب على العوامل بس، مش على الحدود المستقلة. يبقى ده هيساوي واحد على، ص ناقص اتنين، في ص زائد تلاتة.

وبكده نبقى خلّصنا الفيديو ده. اللي اتعلّمنا فيه قسمة المقادير النسبية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.