فيديو: حَلُّ المسائل الكلامية التي تتضمَّن تناسُبًا

تستطيع سالي كتابة ٧٥ كلمة في ٣ دقائق. أوجد عدد الكلمات التي تستطيع سالي كتابتها في ٤ دقائق.

٠١:٤٢

‏نسخة الفيديو النصية

تستطيع سالي كتابة خمسة وسبعين كلمة في تلات دقائق. أوجد عدد الكلمات التي تستطيع سالي كتابتها في أربع دقائق.

وعشان نقدر نحدّد عدد الكلمات اللي سالي تقدر تكتبها في أربع دقايق، يبقى في الأول عايزين نحسب معدل كتابة سالي. وبالتالي هيبقى معدل كتابة سالي بيساوي عدد الكلمات، مقسوم على عدد الدقائق. وبما إن معطى عندنا إن سالي بتقدر تكتب خمسة وسبعين كلمة في تلات دقايق. فمعنى كده إن هيبقى عدد الكلمات هو خمسة وسبعين. وأمّا عدد الدقايق، فهو تلاتة. فبالتالي هيبقى معدل كتابة سالي بيساوي خمسة وسبعين على تلاتة. فلمّا نحسبها هتبقى بتساوي خمسة وعشرين. وبالتالي هيبقى معدل الكتابة هو خمسة وعشرين كلمة لكل دقيقة.

فبالتالي يبقى عشان نوجد عدد الكلمات اللي تقدر سالي تكتبها في أربع دقايق. يبقى هنضرب معدل الكتابة، في عدد الدقايق. ومعدل الكتابة هو خمسة وعشرين كلمة لكل دقيقة. وعدد الدقايق هو أربعة. فمعنى كده إننا هنضرب خمسة وعشرين، اللي هي عدد الكلمات في الدقيقة الواحدة. في أربعة، اللي هم الأربع دقايق المطلوب نوجد فيهم عدد الكلمات. فلمّا نضرب خمسة وعشرين في أربعة، هتبقى بتساوي مية. فمعنى كده إن سالي تقدر تكتب في أربع دقائق، مية كلمة. وبالتالي هتبقى إجابة السؤال هي: مية كلمة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.