فيديو: تحديد أقل درجة حرارة من جدول مُعطًى

يوضِّح الجدول درجات الحرارة في أحد الأسابيع. ما اليوم الذي سُجِّلت به أقل درجة حرارة؟

٠٣:١٤

‏نسخة الفيديو النصية

يوضح الجدول درجات الحرارة في أحد الأسابيع. ما اليوم الذي سُجِّلت به أقل درجة حرارة؟ خلينا نبدأ نقارن، أول درجة حرارة اتسجلت في يوم السبت كانت خمسة وعشرين درجة، هنقارنها بدرجة الحرارة يوم السبت [الحد] اللي هي واحد وتلاتين. لما بنيجي نقارن بين عددين بنبتدي نقارن رقم رقم، من بداية القيم المكانية الأعلى، يعني هنبتدي نقارن هنا العشرات مع بعض. هنلاحظ إن العدد اللي هو واحد وتلاتين، الرقم الموجود في خانة العشرات اللي هو تلاتة أكبر؛ فالبتالي يبقى درجة الحرارة اللي هي واحد وتلاتين دي أكبر من خمسة وعشرين.

بس إحنا مطلوب مننا نحدد أقل درجة حرارة، فإحنا دلوقتي بندوّر على القيمة الأقل لدرجة الحرارة؛ يبقى لغاية دلوقتي يوم السبت درجة الحرارة فيه كانت أقل من الحد. خلينا نقارن درجة الحرارة السبت بالاتنين؛ لو جينا نقارن درجتين الحرارة اللي اتسجلوا في اليومين دول، خمسة وعشرين وتسعة، هنلاقي إن خمسة وعشرين ده عدد فيه رقم موجود في خانة العشرات، أما العدد اللي هو تسعة فهو عدد بيتكون من رقم واحد بس في خانة الآحاد، اللي هو التسعة؛ ده معناه إن العدد اللي فوق اللي هو الخمسة وعشرين هو الأكبر، يبقى تسعة هي الأقل؛ يبقى درجة الحرارة اللي اتسجلت يوم الاتنين لغاية دلوقتي هي أقل درجة في التلات أيام الأولانيين.

طيب عايزين نبدأ نقارن التسعة دي بدرجة الحرارة اللي اتسجلت يوم التلات. درجة الحرارة اللي اتسجلت يوم التلات كانت أربعة وتلاتين، لما نيجي نقارن تسعة بأربعة وتلاتين طبعًا هنلاقي إن تسعة هي الأقل؛ لأننا لو جينا نقارن الرقم الموجود في خانة العشرات، هنلاقي إن أربعة وتلاتين فيه تلاتة في العشرات، أما التسعة ففيها صفر في العشرات؛ ده معناه إن تسعة ما زالت هي درجة الحرارة الأقل حتى الآن.

نكمل ونقارن درجة الحرارة اللي هي تسعة، بدرجة الحرارة اللي اتسجلت يوم الاربع اللي هي سبعة. طبعًا لو جينا نقارن تسعة وسبعة، هنلاحظ إن سبعة أقل من تسعة، يبقى سبعة هي درجة الحرارة اللي اتسجلت أقل حاجة لغاية دلوقتي.

هنبتدي نقارن السبعة دي بدرجة الحرارة اللي اتسجلت يوم الخميس. لما نقارن سبعة بأربعة وعشرين، هنلاحظ إن أربعة وعشرين فيها اتنين في خانة العشرات، أما سبعة فيها صفر في خانة العشرات؛ فمعناه إن الأربعة والعشرين أكبر؛ يبقى سبعة هي درجة الحرارة الأقل.

باقي آخر درجة حرارة اتسجلت يوم الجمعة، اللي هي تمنية وعشرين، هقارن دلوقتي السبعة اللي هي أقل درجة حرارة لغاية دلوقتي، ودرجة حرارة اتسجلت يوم الجمعة اللي هي تمنية وعشرين، هنلاقي برضو إن السبعة فيها صفر في خانة العشرات، أما تمنية وعشرين ففيها اتنين في خانة العشرات؛ يبقى طبعًا سبعة هي أقل درجة حرارة سُجِّلت حتى الآن.

يبقى زي ما قلنا السبعة هي أقل درجة حرارة، وهي اتسجلت يوم الأربعاء، يبقى أقل درجة حرارة سُجِّلت في أيام الأسبوع كانت يوم الأربعاء.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.