فيديو: اختبار مقادير الجمع المتساوية

أوجد العدد الناقص: ١١ + ٣ = _ + ٨.

٠١:٥٣

‏نسخة الفيديو النصية

أوجد العدد الناقص: حداشر زائد تلاتة يساوي، نقط، زائد تمنية.

هنلاحظ إنه معطى في السؤال مقدار، وهو حداشر زائد تلاتة، يساوي مقدار آخر نقط زائد تمنية. ومطلوب أجيب العدد اللي ناقص اللي جنب التمنية.

هنفكر إزاي. الخطوة الأولى هنحسب قيمة المقدار الأولاني حداشر زائد تلاتة. عشان أجمع حداشر زائد تلاتة هكتب تلاتة تحت الواحد في خانة الآحاد، وهبتدي بجمع الآحاد. واحد زائد تلاتة هيساوي أربعة. وواحد زائد صفر هيساوي واحد. إذن قيمة المقدار الأولاني هي أربعتاشر. وبكده أقدر أقول إنه أربعتاشر هتساوي نقط زائد تمنية.

هبتدي أفكر إيه العدد اللي هجمعه على تمنية عشان نحصل على أربعتاشر. ممكن نعدّ من تمنية لحد امّا نوصل لأربعتاشر. بعد تمنية تسعة، عشرة، حداشر، اتناشر، تلتاشر، أربعتاشر. إذن ده العدد اللي ناقص هو ستة؛ لأننا عدينا ستة.

أو فيه طريقة تانية. هنطرح أربعتاشر ناقص تمنية؛ عشان نشوف العدد اللي ناقص. أربعة ناقص تمنية مش هينفع. هستلف واحد من خانة العشرات. خانة العشرات هتبقى صفر، والأربعة هتبقى أربعتاشر. أربعتاشر ناقص تمنية هيساوي ستة. وبكده أقدر أقول إنه العدد اللي ناقص هو ستة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.