فيديو: طرح عدد عشري من عدد صحيح

احسب ما يلي: ٩٠ − ٧٠٫٨.

٠١:٢٤

‏نسخة الفيديو النصية

احسب ما يلي: تسعين ناقص سبعين وتمنية من عشرة.

دلوقتي مطلوب مننا نوجد ناتج طرح تسعين ناقص سبعين وتمنية من عشرة. خلينا نجري عملية الطرح دي رأسيًّا. هنحط العددين تحت بعض، ونبدأ بالعدد الأكبر. وعايزين نخلّي العلامات العشرية موجودة تحت بعض بالضبط. أول عدد ما فيهوش علامة عشرية، يعني عدد صحيح. هنعتبر إن فيه علامة عشرية، وبعدها أصفار. ونبتدي نجري عملية الطرح، ونبدأ من خانة الأجزاء من عشرة.

دلوقتي محتاجين نطرح تمنية من الصفر، مش هينفع؛ عشان التمنية أكبر من الصفر. هنشوف الخانة المكانية اللي قبلها عشان نستلف منها. هنلاقي إن فيها صفر. يبقى هنشوف الخانة اللي قبلها كمان، هنلاقي فيها تسعة. لمّا هنستلف منها واحد، هيصبح فيها تمنية. وخانة الآحاد هيصبح فيها عشرة. هنستلف منها واحد، فيصبح فيها تسعة. والواحد ده يروح في خانة الأجزاء من عشرة، بقيمة عشرة.

دلوقتي نقدر نطرح. عشرة ناقص تمنية يساوي اتنين. وبعدين ننزّل العلامة العشرية في مكانها زي ما هي. بعد كده نطرح تسعة ناقص صفر، تبقى التسعة. وبعدين تمنية ناقص سبعة، يبقى الناتج واحد. ويبقى كده ناتج عملية الطرح اللي عندنا تسعتاشر واتنين من عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.