فيديو: إيجاد قيمة المقدار الجبري

احسب ﺱﻉ − ٣ﺹ + ٦، إذا كان ﺱ = ٥، ﺹ = ٦، ﻉ = ١٠.

٠١:٤٨

‏نسخة الفيديو النصية

احسب س ع ناقص تلاتة ص زائد ستة، إذا كان س يساوي خمسة، وَ ص يساوي ستة، وَ ع يساوي عشرة.

يعني معطى عندنا المقدار ده، والمطلوب إننا نوجد قيمته. ومعطى عندنا في السؤال إن س يساوي خمسة، وَ ص يساوي ستة، وَ ع يساوي عشرة. فعشان نحسب أو نوجد قيمة المقدار ده، يبقى هنعوّض عن س بقيمتها المعطاة في السؤال، اللي هي خمسة. وهنعوض عن ع بقيمتها، اللي هي عشرة. وهنعوّض عن ص بقيمتها المعطاة في السؤال، واللي هي ستة. فهنكتب المقدار بعد ما عوّضنا عن س وَ ع وَ ص بقيمهم اللي في السؤال.

فهيبقى المقدار بيساوي س في ع، يعني خمسة في عشرة. ناقص تلاتة ص، يعني تلاتة في ستة. زائد ستة. فهيبقى هو ده شكل المقدار اللي عندنا. وهنلاحظ إننا عندنا عمليات ضرب، وعمليات طرح وجمع. ومن ترتيب العمليات، خلينا نفتكر إننا الأول بنقوم بعمل عمليات الضرب والقسمة، وبعد كده بنعمل عمليات الجمع والطرح.

فهنبدأ في الأول نعمل عمليات الضرب، اللي هي خمسة في عشرة، وتلاتة في ستة. فهيبقى المقدار بيساوي … هنضرب خمسة في عشرة، واللي هتساوي خمسين، فيبقى خمسين ناقص … وهنضرب تلاتة في ستة، واللي هتساوي تمنتاشر. بعد كده هيبقى زائد ستة.

فكده بقى المقدار عندنا بيساوي خمسين ناقص تمنتاشر زائد ستة. يعني عندنا عملية طرح، وعملية جمع. فهنبدأ نحل عادي من اليمين للشمال. فهنحسب خمسين ناقص تمنتاشر، واللي هتساوي اتنين وتلاتين. فهيبقى المقدار اتنين وتلاتين زائد ستة. بعد كده هنجمع اتنين وتلاتين زائد ستة، واللي هتساوي تمنية وتلاتين. وبالتالي هيبقى قيمة المقدار هي تمنية وتلاتين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.