فيديو: ترتيب الأعداد ترتيبًا تنازليًّا

رتِّب الأعداد ٨‎٢٣٨، ٥‎٤١٥، ١‎٣١٦، ٩‎٩٩٠، ١‎٨٣٢ ترتيبًا تنازليًّا.

٠١:٥٠

‏نسخة الفيديو النصية

رتِّب الأعداد تمان تلاف ميتين تمنية وتلاتين، وخمس آلاف وربعمية وخمستاشر، وألف وتلتمية وستاشر، وتسع آلاف تسعمية وتسعين، وألف تمنمية اتنين وتلاتين؛ ترتيبًا تنازليًّا.

الترتيب التنازلي معناه إننا هنرتّب من الأكبر للأصغر. وعلشان نعرف نقارن الأعداد، ونشوف أنهي الأكبر هنكتب القيم المكانية لأرقام الأعداد دي.

الأعداد الموجودة في السؤال كلها مكوّنة من أربع أرقام. علشان كده القيم المكانية اللي هتكون عندنا هي الآحاد والعشرات والمئات والألوف. هنبُص على أرقام أكبر خانة عندنا، واللي هي خانة الألوف. هنلاقي فيها تمنية وخمسة وواحد وتسعة وواحد. فهنلاقي إنه التسعة هو أكبر رقم فيهم. وبالتالي العدد ده هو ده العدد الأكبر.

بعد كده هنقارن الأربع أرقام الباقيين في خانة الألوف، هنلاقي تمنية وخمسة وواحد وواحد. فالتمنية هي أكبرهم فهيكون هو ده العدد التاني.

بعد كده عندنا الخمسة هي الأكبر من الواحد، فهيكون هو ده العدد التالت.

وآخر عددين عندنا هنلاقي إنه أرقام خانة الألوف فيها متشابهة واحد وواحد. فهنبُص للخانة اللي بعدها. هنلاقي عندنا تلاتة وتمنية. ولأن التمنية هي الأكبر من التلاتة، فهيكون العدد ده هو العدد الرابع والعدد اللي فوق هو ده العدد الأخير وأصغرهم. وبالتالي هيكون هو ده ترتيب الأعداد من الأكبر للأصغر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.