فيديو: تقدير وحدة الطول المناسبة لقياس مسافة معيَّنة

أيٌّ من التالي يمكن أن يكون المسافة بين مدينتين؟ [أ] ٤٤ كم [ب] ٢٠٠٠ سم [ج] ٨٤ م

٠٢:٠٥

‏نسخة الفيديو النصية

أيٌّ من التالي يمكن أن يكون المسافة بين مدينتين؟

عاوزين نعرف أيّ اختيار من التلات اختيارات اللي عندنا دول، هو اللي ممكن يكون المسافة بين مدينتين. المسافة بين مدينتين يعني طريق طويل، مش قصير. يعني عاوزين المسافة تكون كبيرة. طيب لو جينا نبصّ على الاختيارات، حدّ هييجي يقول: ده هنا أربعة وأربعين عدد صغير. وهنا ألفين عدد كبير. وهنا أربعة وتمانين عدد كبير. فإحنا نختار ألفين. هنقول: لأ طبعًا غلط.

غلط ليه؟ لأننا لازم نبصّ على الوحدات. يعني نشوف هو الأربعة وأربعين دول، أربعة وأربعين إيه. أربعة وأربعين كيلومتر. طيب الألفين، اللي إحنا بنقول عليهم كتير دول، ألفين إيه؟ ألفين سنتيمتر. والسنتيمتر وحدة صغيرة. هنشوف دلوقتي. والأربعة وتمانين، أربعة وتمانين متر. إحنا كده عندنا تلات وحدات. عندنا الكيلومتر اللي هي دي، والسنتيمتر اللي هي دي. والمتر. أكبر وحدة فيهم هي الكيلومتر، دي رقم واحد. وبعدها بييجي المتر. وأصغر واحدة هي السنتيمتر.

طيب إحنا عندنا هنا في الاختيارات ألفين سنتيمتر. ألفين سنتيمتر دي يعني اتنين متر بس. وأربعة وتمانين متر يعني ما كمّلناش واحد كيلو. يبقى أكبر مسافة عندنا هي أربعة وأربعين كيلومتر. وهي دي المسافة ما بين مدينتين. لأن ألفين سنتيمتر مسافة صغيرة أوي؛ يعني هي بتساوي اتنين متر بس. وأربعة وتمانين متر برضو مسافة قليلة. يبقى الإجابة الصح هي: أربعة وأربعين كيلومتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.