فيديو: تحديد هل المعادلة البسيطة أو المتباينة البسيطة صواب أم خطأ

هل المعادلة: ٢٦ + ٢٨ = ﺱ صواب أم خطأ، إذا كان ﺱ = ٦٠؟

٠١:١٧

‏نسخة الفيديو النصية

هل المعادلة: ستة وعشرين زائد تمنية وعشرين تساوي س، صواب أم خطأ إذا كان س يساوي ستين؟

فعشان نشوف المعادلة صواب أم خطأ، هنكتب الأول المعادلة؛ فلو كان الطرف الأيمن للمعادلة بيساوي الطرف الأيسر فمعنى كده إن المعادلة هتبقى صح، ولو كان الطرف الأيمن مش بيساوي الطرف الأيسر فهتبقى المعادلة خطأ.

ففي الأول هنبدأ نشوف قيمة الطرف الأيمن، والطرف الأيمن للمعادلة هو ستة وعشرين زائد تمنية وعشرين، فلمّا نجمعهم هيبقى المجموع أربعة وخمسين. وأما الطرف الأيسر للمعادلة هيبقى زي ما هو س.

والسؤال عندنا: هل المعادلة صواب أم خطأ إذا كان س تساوي ستين؟ فمعنى كده إننا لو عوضنا عن س في المعادلة بستين؛ هل ساعتها هتبقى المعادلة صح أم خطأ؟ وبما إن ستين لا تساوي أربعة وخمسين؛ فمعنى كده إن الطرف الأيمن للمعادلة مش هيبقى بيساوي الطرف الأيسر، وبالتالي … فبالتالي هتبقى المعادلة المُعطاة في السؤال خطأ؛ لأن لمّا عوّضنا عن س بستين ما اتحققتش المعادلة؛ وبالتالي المعادلة خطأ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.