تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تحديد هل الخطان متعامدان أم لا

أحمد مدحت

الخطان ﺃ، ﺏ لهما ميلان ٥/٧، −٧/٥ على الترتيب. هل الخطان متعامدان؟

٠١:٣٠

‏نسخة الفيديو النصية

عندنا في المثال خطين. الخطين دول همّ أ وَ ب. ليهم ميلين سبعة على خمسة، وسالب خمسة على سبعة، على الترتيب. معنى كده إنه ميل الخط أ هو سبعة على خمسة. وميل الخط ب هو سالب خمسة على سبعة. وعايزين نعرف هل الخطين دول متعامدين ولّا لأ.

وإحنا عندنا إذا كان حاصل ضرب ميلي مستقيمين غير رأسيين بيساوي سالب واحد، فهيبقوا متعامدين. وبما إن إحنا عايزين نعرف هل الخطين أ وَ ب متعامدين ولّا لأ. فهنشوف هل حاصل ضرب ميل المستقيم أ في ميل المستقيم ب، يساوي سالب واحد ولّا. لأ فهنوجد حاصل ضرب ميلي الخطين أ وَ ب. فبالنسبة لميل الخط أ هنرمز له بالرمز م واحد. وميل الخط أ يساوي سبعة على خمسة. يعني م واحد تساوي سبعة على خمسة.

أما ميل الخط ب فهنرمز له بالرمز م اتنين. وميل الخط ب يساوي سالب خمسة على سبعة. يعني م اتنين تساوي سالب خمسة على سبعة.

وإحنا عايزين نوجد حاصل ضرب ميل الخط أ في ميل الخط ب. يعني عايزين نوجد حاصل ضرب م واحد في م اتنين. فبالنسبة لـ م واحد في م اتنين، فهو يساوي سبعة على خمسة، في سالب خمسة على سبعة. وسبعة على خمسة في سالب خمسة على سبعة، يساوي سالب واحد. معنى كده إن حاصل ضرب ميل الخط أ، في ميل الخط ب، يساوي سالب واحد. فمعنى كده إن الخطين أ وَ ب متعامدين.