فيديو: فهم القيمة المكانية

ما القيمة المكانية للرقم الذي بين القوسين في العدد ٥٣٧٣٤٧٢٧(٩)؟

٠١:١٨

‏نسخة الفيديو النصية

ما القيمة المكانية للرقم الذي بين القوسين في العدد تسعمية تلاتة وخمسين مليون سبعمية أربعة وتلاتين ألف سبعمية سبعة وعشرين؟

دلوقتي هنقسّم العدد اللي عندنا إلى أقسام. أول تلات أرقام من جهة اليمين بيبقى قسم الوحدات أو الآحاد، بيبدأ بخانة الآحاد، وبعدين العشرات، وبعدين المئات. التلات أرقام اللي بعدهم بيبقى قسم الألوف، بيبدأ بخانة الألوف، وبعدين عشرات الألوف، وبعدين مئات الألوف. التلات أرقام اللي بعد كده بيبقوا قسم الملايين، بيبدءوا بخانة الملايين، وبعدين عشرات الملايين، وبعدين مئات الملايين.

يبقى كده عرفنا الرقم اللي بين الأقواس، اللي هو التسعة، الخانة المكانية بتاعته هي خانة مئات الملايين. وكده تبقى القيمة المكانية للرقم هي حاصل ضرب الرقم، اللي هو تسعة، في القيمة بتاعة الخانة المكانية الموجود فيها. خانة مئات الملايين القيمة بتاعتها مية مليون. فتبقى كده القيمة المكانية للرقم تسعة في العدد اللي مُعطى عندنا بتساوي تسعمية مليون.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.