فيديو: تحويل اللترات إلى ملليلترات

يحسب فادي وطه عدد اللترات الموجودة في ٤٠ ملليلترًا. يعتقد فادي أن الناتج ٤٠‎‎٠٠٠ ل، بينما يعتقد طه أن الناتج ٠٫٠٤ ل. أيهما على صواب؟

٠١:٣٠

‏نسخة الفيديو النصية

يحسب فادي وطه عدد اللترات الموجودة في أربعين ملليلترًا. يعتقد فادي أن الناتج أربعين ألف لتر، بينما يعتقد طه أن الناتج أربعة من مائة من اللتر، أيهما على صواب؟

إحنا عشان نقدر نعرف مين فيهم اللي على صواب، هنحول الأربعين ملليلتر لِما يكافئها باللترات. وعشان نقدر نجري التحويل، لازم نفتكر العلاقة اللي بتربط بين اللتر والملليلتر؛ اللتر الواحد يساوي ألف ملليلتر؛ فلو جينا نحول من اللتر، اللي هي الوحدة الكبيرة، للميلليلتر اللي هي الوحدة الصغيرة، هنضرب في ألف. أما لو جينا نحول من الملليلتر إلى اللتر، يعني من الوحدة الصغيرة للوحدة الكبيرة، هنقسم على ألف.

إحنا دلوقتي بنحول من الوحدة الصغيرة، اللي هي اللي الملليلتر، إلى الوحدة الأكبر، اللي هي اللتر؛ يبقى هنقسم على ألف، يعني إحنا محتاجين نقسم أربعين على ألف. هنختصر عدد متساوي من الأصفار في البسط والمقام، يعني هتبقى بتساوي أربعة على مية لتر، نقدر نكتبه على صورة عدد عشري، هيبقى بيساوي أربعة من مائة من اللتر.

لو قارنّا الناتج اللي حصلنا عليه بعد التحويل، هنلاقيه بيتطابق مع الناتج اللي طه بيعتقد إنه الناتج الصحيح، يعني كده قدرنا نعرف إن طه هو اللي على صواب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.