فيديو: استخدام الشجرة البيانية لكتابة مجموعة جزئية من فضاء العينة التي تُمثِّل حدثًا

عند رمي عملة معدنية ثلاث مرات متتالية، أوجد باستخدام الرسم البياني الشجري الحدث ﺃ الذي يمثِّل الحصول على وجه الكتابة مرتين على الأكثر.

٠٢:٤٥

‏نسخة الفيديو النصية

عند رمي عملة معدنية ثلاث مرات متتالية، أوجد باستخدام الرسم الشجري الحدث أ الذي يمثل الحصول على وجه الكتابة مرتين على الأكثر.

لو عندنا عملة معدنية، وألقيناها مرة واحدة، فالاحتمالات اللي ممكن تطلع لنا هي: يا إمّا ظهور صورة، يا إمّا ظهور كتابة. ولو جينا نرميها مرة تانية، فلو كان في المرة الأولى ظهر صورة، فما زال عندنا احتمالين في الرمية التانية إن بعد ظهور الصورة يظهر يا إمّا صورة، يا إمّا كتابة. ولو كان الرمية الأولى ظهر فيها كتابة، فبرضو الرمية التانية تَحتمل ظهور صورة أو كتابة، بعد ظهور الكتابة في الرمية الأولى. ولو رمينا العملة رمية تالتة، فلكل احتمال من احتمالات الرمية التانية فيه احتمال ظهور صورة أو كتابة في الرمية التالتة بالشكل ده.

أما بالنسبة للحدث أ، اللي هو بيمثّل ظهور كتابة مرتين على الأكثر، فده معناه إن أي احتمال ما ظهرش فيه كتابة على الإطلاق، أو ظهر فيه كتابة مرة واحدة أو مرتين، هيبقى بينتمي للحدث ده.

بكده نبتدي نكتب الاحتمالات اللي بتنمي للحدث أ.

ظهور صورة في الرمية الأولى، ويتبعها ظهور صورة في الرمية التانية، وصورة كذلك في الرمية التالتة؛ ده أول احتمال بينتمي للحدث أ. أو ظهور صورة في الرمية الأولى، وصورة في الرمية التانية، وكتابة في الرمية التالتة. الاحتمال اللي بعد كده: ظهور صورة في الرمية الأولى، وكتابة في التانية، وصورة في التالتة. والاحتمال اللي بعد كده: ظهور صورة في الأولى، كتابة في التانية، وكتابة في التالتة؛ كده ظهرت كتابة مرتين. الاحتمال اللي بعد كده: ظهور كتابة في الأولى، وصورة في التانية، وصورة في التالتة. والاحتمال اللي بعد كده: ظهور كتابة في الأولى، وصورة في التانية، وكتابة في التالتة؛ كده برضو ظهرت الكتابة مرتين. الاحتمال اللي بعد كده: ظهور كتابة في الرمية الأولى، وكتابة في الرمية التانية، وصورة في الرمية التالتة.

كده يبقى حطّينا كل الاحتمالات اللي بتمثّل الحصول على وجه الكتابة مرتين على الأكثر، واللي شملت عدم ظهور الكتابة على الإطلاق، أو ظهورها مرة واحدة، أو ظهورها مرتين مش أكتر من كده.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.