فيديو: تقريب العدد الصحيح لأقرب مائة

قرب ٧٠٣ لأقرب مائة.

٠١:٣١

‏نسخة الفيديو النصية

قرّب العدد سبعمية وتلاتة لأقرب مائة.

في المثال ده بما إن التقريب لأقرب مائة؛ فأول خطوة بنعملها إننا بنحدّد الرقم الموجود في خانة المئات واللي هو سبعة، وتاني خطوة بنعملها إننا بنشوف الرقم الموجود في الخانة اللي قبله على طول واللي هي خانة العشرات، وفي المثال ده هو الرقم صفر. وهبدأ أقارن الصفر ده بالعدد خمسة، إذا كان أقل من خمسة مش بزوّد على المئات واحد، وهخليه هو وكل اللي قبله أصفار، وإذا كان خمسة أو أكثر من خمسة فبزوّد على المئات واحد وكل اللي قبله أصفار.

معنى كده إن الصفر والواحد والاتنين والتلاتة والأربعة، لأنهم أقل من خمسة هم أعداد صغيرة، مش هيقدروا يزودوا للمئات واحد، ولكن خمسة وستة وسبعة وتمنية وتسعة، هم أكبر من الخمسة؛ وبالتالي هيقدروا إنهم يزودوا المئات واحد لمّا نيجي نقرب.

وبالتالي العدد سبعمية وتلاتة لمّا نيجي نقرّبه لأقرب مائة، هننزّل السبعة زي ما هي؛ لأن الصفر من الأعداد الصغيرة، وهننزله صفر، وهننزل كل اللي قبله برضو صفر؛ وبالتالي هنلاقي إن العدد سبعمية وتلاتة يساوي تقريبًا سبعمية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.