فيديو: جمع عدد من رقمين إلى عدد من رقم واحد

يوضح الفيديو طريقة جمع عددين أحدهما مكوَّن من رقمين، والآخَر مكوَّن من رقم واحد.

٠٣:٣٠

‏نسخة الفيديو النصية

هنتكلّم عن جمع عدد من رقمين إلى عدد من رقم واحد. هنتعلّم إزاي نجمع عدد مكوّن من رقمين إلى عدد مكوّن من رقم واحد. هناخد مثال.

أوجد ناتج جمع: خمسة وعشرين زائد اتنين.

الخطوة الأولى: هكتب العددين، وهمثّلهم بالنماذج. خمس آحاد، واتنين آحاد في خانة الآحاد. واتنين عشرات في خانة العشرات.

الخطوة التانية: اجمع الآحاد؛ خمس آحاد زائد اتنين آحاد هيساوي سبع آحاد.

الخطوة التالتة: اجمع العشرات؛ اتنين عشرات هكتبها.

إذن هلاحظ إنه المجموع هيساوي اتنين عشرات، وسبع آحاد. يعني هيساوي سبعة وعشرين. وبكده أقدر أقول إنه خمسة وعشرين زائد اتنين هيساوي سبعة وعشرين. وبكده أكون جِبت ناتج الجمع. هنكمّل في الصفحة اللي جايّة.

مثال: استعمل النماذج لإيجاد ناتج الجمع.

رقم واحد: تلتاشر زائد أربعة.

هلاحظ إن عندي في الآحاد تلات آحاد، وأربع آحاد. وفي العشرات عندي واحد عشرة. هجمع الآحاد؛ تلات آحاد زائد أربع آحاد هيساوي سبع آحاد زيّ ما هو موضّح قدّامي في النموذج. وبعدين هحطّ واحد عشرات. إذن تلتاشر زائد أربعة هيساوي سبعتاشر.

سؤال رقم اتنين: ستة زائد واحد وأربعين.

إذن ست آحاد، وواحد آحاد هيساوي سبع آحاد. وبعدين أربع عشرات. إذن ستة زائد واحد وأربعين هيساوي سبعة وأربعين. هنكمّل في الصفحة اللي جايّة.

تدريبات: استعمل النماذج لإيجاد ناتج جمع كلٍّ مما يلي.

رقم واحد: اتنين وعشرين زائد تلاتة.

هستعمل النماذج. في الآحاد اتنين آحاد، وتلات آحاد. وفي العشرات اتنين عشرات. هبتدي أجمع الآحاد؛ من النموذج هلاحظ إنه اتنين زائد تلاتة هيساوي خمس آحاد. وبعدين العشرات اتنين، هنزّلها. إذن اتنين وعشرين زائد تلاتة هيساوي خمسة وعشرين.

سؤال رقم اتنين: اتنين وأربعين زائد اتنين.

هستعمل النماذج. هبتدي بجمع الآحاد؛ اتنين آحاد زائد اتنين آحاد من النموذج هيساوي أربع آحاد. وبعدين أربع عشرات هتنزل. إذن اتنين وأربعين زائد اتنين هيساوي أربعة وأربعين.

وبكده هنكون اتعلّمنا إزاي نجمع عدد مكوّن من رقمين مع عدد مكوّن من رقم واحد؛ باستعمال النماذج.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.