فيديو: جمع الأعداد الكسرية

لدى رامي ملصقان. يبلغ عرض أحدهما ٨/٣ ٥ أقدام، ويبلغ عرض الآخر ٨/٧ ٢ قدم. هل من الملائم وضع الملصقين متجاورين على حائط عرضه ٧ أقدام؟

٠٢:٢٧

‏نسخة الفيديو النصية

لدى رامي ملصقان. يبلغ عرض أحدهما خمس أقدام وتلاتة على تمنية. ويبلغ عرض الآخر اتنين قدم وسبعة على تمنية. هل من الملائم وضع الملصقين متجاورين على حائط عرضه سبعة أقدام؟

رامي عنده صورتين عايز يلزقهم على الحائط ويكونوا جنب بعض ومتجاورين بالشكل ده. عرض الصورة الأولانية خمس أقدام وتلاتة على تمنية. وعرض الصورة التانية اتنين قدم وسبعة على تمنية.

فهنبدأ دلوقتي نجمع العرضين للملصقين دول، وبعدين نقارن مجموعهم بعرض الحائط اللي هو سبع أقدام، ونشوف هيكون أقل منه ولّا لأ. هنجمع الأول الأعداد الصحيحة. خمسة زائد اتنين بيساوي سبعة. والكسر تلاتة على تمنية زائد الكسر سبعة على تمنية. هنبدأ نجمعه بإننا نتأكد إن الأعداد الموجودة في المقام هي هي. والعدد الموجود في المقام هو العدد تمنية. بعد كده هنجمع الأعداد الموجودة في البسط. تلاتة زائد سبعة بيساوي عشرة. الكسر عشرة على تمنية نقدر نكتبه تمنية زائد اتنين على تمنية. والعدد الصحيح زي ما هو. وبعدين نقدر نكتبه تمنية على تمنية، زائد اتنين على تمنية، والعدد الصحيح برضو زي ما هو. تمنية على تمنية بتساوي واحد. واتنين على تمنية نقدر نختصرها بإننا نقسم البسط والمقام على اتنين. اتنين على اتنين بيساوي واحد. وتمنية على اتنين بيساوي أربعة. والعدد الصحيح سبعة.

وبكده عندنا واحد وسبعة أعداد صحيحة، نقدر نجمعهم مع بعض، هيساوي تمنية. والكسر واحد على أربعة نكتبه جنبهم. وبكده عرفنا إنه عرضين الملصقين بيساوي تمن أقدام ورُبع. ولأن تمنية أقدام وربع أكبر من عرض الحائط اللي هو سبع أقدام. فكده مش هيكون ملائم إن رامي يحط الملصقين متجاورين على الحائط. فهتكون الإجابة لا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.