فيديو: إيجاد مجموعة حل معادلتين خطيتين ذات خطوتين من مجموعة تعويض مُعطاة

أوجد مجموعة حل ٢(ﺱ − ٨) = −١٢ مُستخدمًا مجموعة التعويض {٦، −٢، ٢، ٥}.

٠٣:٢٢

‏نسخة الفيديو النصية

أوجد مجموعة حل اتنين في س ناقص تمنية تساوي سالب اتناشر. مستخدمًا مجموعة التعويض؛ المجموعة التي عناصرها ستة، وسالب اتنين، واتنين، وخمسة.

عندنا معادلة خطية اتنين في س ناقص تمنية تساوي سالب اتناشر. ومعطى كمان مجموعة تعويض. ومطلوب إننا نجيب مجموعة حل المعادلة. يعني كل مرة هعوض عن قيمة س بقيمة من مجموعة التعويض، وهشوف … يعني إيه تحقق المعادلة: يعني لمَّا نحط قيمة س في المعادلة؛ الطرف الأيسر هيكون يساوي سالب اتناشر.

هبتدي بأول قيمة لِـ س في مجموعة التعويض. وهي عند س تساوي ستة. هعوض في المعادلة. يعني هشيل س، وأحط مكانها ستة. يعني اتنين في ستة ناقص تمنية. وهحسب … هيساوي اتنين في … ستة ناقص تمنية هيساوي سالب اتنين. اتنين في سالب اتنين هيساوي سالب أربعة. هنلاحظ إنه سالب أربعة لا يساوي الطرف الأيسر؛ يعني لا يساوي سالب اتناشر. وبالتالي ستة لا تمثّل مجموعة حل المعادلة.

هنجرب تاني قيمة لِـ س، اللي هي سالب اتنين. هعوض عن س تساوي سالب اتنين. يعني هشيل س وأحط مكانها سالب اتنين في المعادلة. يعني اتنين في سالب اتنين ناقص تمنية. يعني هتساوي اتنين في … سالب اتنين ناقص تمنية؛ يعني سالب عشرة. يعني هتساوي اتنين في سالب عشرة بسالب بعشرين. سالب عشرين لا تساوي الطرف اليسار. يعني لا تساوي سالب اتناشر. وبالتالي سالب اتنين لا تمثّل مجموعة حل المعادلة.

هنجرب تالت قيمة لِـ س اللي هي اتنين. يعني هعوّض عن س تساوي اتنين. هشيل س وأحط مكانها اتنين في المعادلة. يعني اتنين في … اتنين ناقص تمنية. هيساوي … اتنين في اتنين ناقص تمنية بسالب ستة. اتنين في سالب ستة هيساوي سالب اتناشر. وفعلًا سالب اتناشر هتساوي الطرف اليسار. إذن س تساوي اتنين تمثّل مجموعة حل المعادلة.

المفروض آخر قيمة لِـ س برضو مش هتحقق المعادلة؛ لأن المعادلة دي معادلة خطية ومن الدرجة الأولى يعني ليها حل وحيد. إذا لمَّا هنعوّض عن س تساوي خمسة، هتكون برضو لا تحقق المعادلة؛ لأن المعادلة دي خطية من الدرجة الأولى ليها حل وحيد. وعشان نتأكد هنعوّض برضو عن س تساوي خمسة. وهحسب الطرف اليمين. يعني اتنين في خمسة ناقص تمنية. يعني هتساوي اتنين في سالب تلاتة. يعني هتساوي سالب ستة. وسالب ستة لا تساوي سالب اتناشر. إذن لا تحقق المعادلة.

وبكده أقدر أقول إنه مجموعة حل المعادلة هي اتنين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.