فيديو: جمع وطرح الأعداد العشرية

تركض مريم يوميًّا. إذا ركضت ٧ ساعات هذا الأسبوع، فأكمل الجدول الموضَّح.

٠٢:٢٤

‏نسخة الفيديو النصية

تركض مريم يوميًّا. إذا ركضت سبع ساعات هذا الأسبوع، فأكمل الجدول الموضح.

ومعطى عندنا جدول بأيام الأسبوع، وعدد الساعات اللي جريِتها مريم في كل يوم. فهنلاحظ إن معطى عندنا عدد الساعات لكل يوم، ما عدا يوم السبت. فعلشان نكمل الجدول، يبقى محتاجين نعرف عدد الساعات اللي جريِتها مريم في يوم السبت.

فهنلاحظ عندنا إنّ معطى في السؤال إن مريم جريِت سبع ساعات في الأسبوع. فمعنى كده إننا علشان نعرف عدد الساعات اللي جريِتها مريم في يوم السبت. يبقى هنوجد مجموع الساعات اللي جريِتها في باقي أيام الأسبوع. وهنطرحها من سبع ساعات. اللي هو عدد الساعات اللي جريِتها في الأسبوع كله.

يعني معنى كده إن عدد الساعات اللي جريِتها مريم يوم السبت. هيبقى بيساوي سبعة اللي هو عدد ساعات الأسبوع كله. ناقص … ناقص عدد الساعات اللي جريِتها في باقي أيام الأسبوع. ما عدا يوم السبت. اللي هي: واحد زائد واحد، زائد واحد، زائد، واحد، زائد خمسة من عشرة، زائد واحد.

فأول حاجة هنعملها، إننا هنحسب قيمة ما بداخل الأقواس. فيبقى المقدار عندنا بيساوي سبعة ناقص … وهنحسب واحد زائد واحد، زائد واحد، زائد واحد، زائد خمسة من عشرة، زائد واحد. فهنلاحظ إن عندنا العدد واحد بنجمعه خمس مرات. فيبقى بيساوي خمسة، زائد خمسة من عشرة، واللي هيساوي خمسة وخمسة من عشرة.

بعد كده هنحسب سبعة ناقص خمسة وخمسة من عشرة. ونقدر نكتبهم بالشكل ده. فهنلاحظ إننا بنحسب عدد صحيح ناقص عدد عشري. فالعدد الصحيح نقدر نكتبه في صورة سبعة، علامة عشرية، صفر. فهنبدأ نطرح.

وفي الأول هنلاحظ إن عندنا هنا صفر أقل من خمسة، فمش هينفع نطرحهم. فمعنى كده إننا هنخلّي السبعة اللي هنا هتبقى ستة. وأمّا الصفر فهيبقى عشرة. فكده نقدر نطرح عشرة ناقص خمسة، واللي هتساوي خمسة. وأمّا العلامة العشرية، فهتنزل في نفس مكانها. بعد كده هنطرح ستة ناقص خمسة، واللي هتساوي واحد.

فمعنى كده إن سبعة ناقص خمسة وخمسة من عشرة بتساوي واحد وخمسة من عشرة. فبالتالي هتبقى هي عدد الساعات اللي جريِتها مريم يوم السبت. فمعنى كده إننا نقدر نكتب هنا واحد وخمسة من عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.