فيديو: كتابة النسب المئوية في صورة علاقة تناسب

أيٌّ من التالي يمثّل نسبة ٧٤ راكبًا من ٤٣٠ راكبًا؟ [أ] ن = ٧٤ راكبًا × ٤٫٣ [ب] ن = ٠٫٧٤ × ٤٣٠ راكبًا [ج] ن = ٧٤ راكبًا × ٤٣٠ راكبًا [د] ٤٣٠ راكبًا/٧٤ راكبًا = ن/١٠٠ [ﻫ] ٧٤ راكبًا/٤٣٠ راكبًا = ن/١٠٠

٠٢:٥٦

‏نسخة الفيديو النصية

أيٌّ من التالي يمثّل نسبة أربعة وسبعين راكبًا من ربعمية وتلاتين راكبًا؟ ومعطى عندنا الاختيارات؛ أ: ن تساوي أربعة وسبعين راكبًا في أربعة وتلاتة من عشرة. ب: ن تساوي أربعة وسبعين من مية في ربعمية وتلاتين راكبًا. ج: ن تساوي أربعة وسبعين راكبًا في ربعمية وتلاتين راكبًا. د: ربعمية وتلاتين راكبًا على أربعة وسبعين راكبًا يساوي ن على مية. ﻫ: أربعة وسبعين راكبًا على ربعمية وتلاتين راكبًا يساوي ن على مية.

يعني عايزين نشوف من الاختيارات اللي عندنا أنهي اختيار هو اللي بيمثّل النسبة دي. والنسبة هي أربعة وسبعين راكب من ربعمية وتلاتين راكب، معناها أربعة وسبعين على ربعمية وتلاتين. فلو فرضنا إن النسبة دي هي ن، يعني عايزين نكتبها في صورة نسبة مئوية، فتبقى ن بتساوي أربعة وسبعين على ربعمية وتلاتين. وبما إن هي نسبة مئوية فهنضرب في مية.

بعد كده لمّا نيجي نقارن النسبة اللي إحنا كتبناها بالاختيارات اللي عندنا، هنيجي نشوف الاختيار أ، اللي هو ن تساوي أربعة وسبعين راكبًا في أربعة وتلاتة من عشرة، فهنلاحظ إن هو هيبقى اختيار خاطئ.

بعد كده الاختيار ب: ن تساوي أربعة وسبعين من مية في ربعمية وتلاتين راكبًا. وفي النسبة اللي عندنا هنا هنلاحظ إننا بنضرب أربعة وسبعين في مية مش بنقسمها؛ لأن لو قسمنا أربعة وسبعين على مية هي اللي هتبقى بتساوي أربعة وسبعين من مية؛ وبالتالي هيبقى الاختيار ب اختيار خاطئ.

بعد كده هنشوف الاختيار ج: ن تساوي أربعة وسبعين راكبًا في ربعمية وتلاتين راكبًا. وطبعًا ده اختيار خاطئ؛ لأن النسبة أربعة وسبعين من ربعمية وتلاتين معناها أربعة وسبعين على ربعمية وتلاتين.

وأمّا الاختيار د: ربعمية وتلاتين راكبًا على أربعة وسبعين راكبًا يساوي ن على مية، فعلشان نخلّي النسبة اللي أوجدناها هنا شبيهة للاختيار د، يبقى هنقسم طرفَي المعادلة على مية؛ علشان نخلّي الطرف الأيمن للمعادلة ن على مية. وأمّا في الطرف الأيسر للمعادلة، فنقدر نختصر مية مع مية؛ فبالتالي هيبقى الطرف الأيسر للمعادلة هو أربعة وسبعين على ربعمية وتلاتين. لكن في الاختيار د اللي عندنا هنلاحظ إن هي العكس؛ ربعمية وتلاتين على أربعة وسبعين؛ فبالتالي هيبقى الاختيار د اختيار خاطئ.

وأمّا الاختيار ﻫ، اللي هو أربعة وسبعين راكبًا على ربعمية وتلاتين راكبًا يساوي ن على مية، فهنلاحظ إن الاختيار ﻫ شبيه أو يطابق المعادلة اللي أوجدناها، اللي هي ن على مية بتساوي أربعة وسبعين على ربعمية وتلاتين. فبالتالي هيبقى الاختيار ﻫ، اللي هو أربعة وسبعين راكبًا على ربعمية وتلاتين راكبًا يساوي ن على مية، هو الاختيار الصحيح.

وبالتالي هيبقى إجابة السؤال هي الاختيار ﻫ: أربعة وسبعين راكبًا على ربعمية وتلاتين راكبًا يساوي ن على مية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.