تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: كتابة المقادير الكسرية في صور مختلفة باستخدام قسمة كثيرات الحدود

أحمد لطفي

اكتب (ﺱ^٤ − ٢ﺱ^٣ − ٢١ﺱ^٢ − ٧ﺱ + ٦)/(ﺱ^٢ + ٣ﺱ − ٢) في صورة ﺟ(ﺱ) + (ﺏ(ﺱ)/د(ﺱ)).

٠٣:٠٣

‏نسخة الفيديو النصية

اكتب س أُس أربعة ناقص اتنين س أُس تلاتة ناقص واحد وعشرين س أُس اتنين ناقص سبعة س زائد ستة، الكل مقسوم على س أُس اتنين زائد تلاتة س ناقص اتنين، في صورة ج س زائد ب س على د س.

في البداية عشان نقدر نكتب المقدار في صورة ج س زائد ب س على د س، محتاجين نجري عملية قسمة مطولة، هنقسم س أُس أربعة ناقص اتنين س أُس تلاتة ناقص واحد وعشرين س أُس اتنين ناقص سبعة س زائد ستة، على س أُس اتنين زائد تلاتة س ناقص اتنين.

أول خطوة هنقسم س أُس أربعة على س أُس اتنين، فهيساوي س أُس اتنين، وهنرجع نضرب س أُس اتنين في س أُس اتنين هيساوي س أُس أربعة، وس أُس اتنين في تلاتة س، هيساوي تلاتة س أُس تلاتة، وس أُس اتنين في سالب اتنين، هيساوي سالب اتنين في س أُس اتنين، وبعدين هنطرح فهيكون عندنا سالب خمسة س أُس تلاتة، ناقص تسعتاشر س أُس اتنين، ناقص سبعة س، زائد ستة، وبعدين هنقسم سالب خمسة س أُس تلاتة، على س أُس اتنين، هيساوي سالب خمسة س، وهنرجع نضرب سالب خمسة س، في س أُس اتنين، هيساوي سالب خمسة س أُس تلاتة، وسالب خمسة س، في تلاتة س، هيساوي سالب خمستاشر س أُس اتنين، وسالب خمسة س، في سالب اتنين، هيساوي موجب عشرة س، وهنطرح، هيكون عندنا سالب أربعة س أُس اتنين، ناقص سبعتاشر س، زائد ستة، هنقسم سالب أربعة س أُس اتنين، على س أُس اتنين، هيساوي سالب أربعة، وهنرجع نضرب سالب أربعة، في س أُس اتنين، هيساوي، سالب أربعة س أُس اتنين، وسالب أربعة، في تلاتة س، هيساوي سالب اتناشر س، وسالب أربعة، في سالب اتنين، هيساوي موجب تمنية، هنطرح، هيتبقى عندنا سالب خمسة س ناقص اتنين.

وبالتالي عملية القسمة المطولة تكون انتهت، ويبقى عشان نكتب المقدار في صورة ج س زائد ب س على د س، فـ ج س هو ناتج القسمة اللي هو س أُس اتنين، ناقص خمسة س، ناقص أربعة، زائد ب س، هو باقي القسمة اللي هو سالب خمسة س ناقص اتنين، مقسوم على د س، اللي هي س أُس اتنين زائد تلاتة س ناقص اتنين. ممكن نكتبها على صورة س أُس اتنين، ناقص خمسة س، ناقص أربعة، ناقص خمسة س، زائد اتنين، مقسومة على س أُس اتنين، زائد تلاتة س، ناقص اتنين.