فيديو: حل المسائل الكلامية التي تتضمَّن ضرب الأعداد الكسرية في الكسور

رجل وزنه على كوكب الأرض يساوي ٥/٤ ٩٧ كجم، ويساوي على سطح القمر ٦/١ وزنه على الأرض. أوجد وزنه على سطح القمر.

٠٣:٣١

‏نسخة الفيديو النصية

رجل وزنه على كوكب الأرض يساوي سبعة وتسعين وأربعة على خمسة كيلوجرام، ويساوي على سطح القمر سُدس وزنه على الأرض، أوجد وزنه على سطح القمر.

يعني فيه راجل وزنه على كوكب الأرض بيساوي سبعة وتسعين وأربعة على خمسة كيلوجرام، ووزنه على سطح القمر بيساوي واحد على ستة من وزنه على الأرض، فلو عايزين نوجد وزنه على سطح القمر، يبقى هنوجد حاصل ضرب سبعة وتسعين وأربعة على خمسة في واحد على ستة، وأول حاجة هنعملها قبل ما نضرب إننا هنحول العدد الكسري إلى كسر، وعلشان نحوِّله من عدد كسري إلى كسر أول حاجة هنعملها بنضرب المقام في العدد الصحيح، وبعد كده بنجمع حاصل الضرب على البسط؛ يعني عندنا هنا في العدد الكسري سبعة وتسعين وأربعة على خمسة، أول حاجة هنعملها عشان نحوِّله كسر هنضرب خمسة في المقام في سبعة وتسعين اللي هو العدد الصحيح، فخمسة في سبعة وتسعين بتساوي ربعمية خمسة وتمانين، بعد كده هنجمع حاصل الضرب على البسط، يعني هنجمع ربعمية خمسة وتمانين زائد أربعة، فلما نجمع ربعمية خمسة وتمانين زائد أربعة هتساوي ربعمية تسعة وتمانين، فمعنى كده هيبقى الكسر عندنا ربعمية تسعة وتمانين في البسط على المقام خمسة، فكده يبقى حوِّلنا العدد الكسري لكسر، بعد كده هنضرب في واحد على ستة، فكده بقى عندنا كسرين عايزين نوجد حاصل ضربهم، وعلشان نضرب الكسرين هنضربهم عن طريق إننا نضرب البسطين في بعض ونضرب المقامين في بعض، فهنضرب الأول البسط في البسط يعني هنضرب ربعمية تسعة وتمانين في واحد، واللي هتساوي ربعمية تسعة وتمانين، بعد كده هنضرب المقام في المقام؛ يعني هنضرب خمسة في ستة، واللي هتساوي تلاتين، بعد كده نقدر نختصر الكسر، فلو قسمنا البسط والمقام على تلاتة، فهنقسم الأول البسط ربعمية تسعة وتمانين على تلاتة فلو حسبناها هتساوي مية تلاتة وستين، وفي المقام هنقسم تلاتين على تلاتة فهتساوي عشرة، بما إن عندنا الكسر بقى البسط أكبر من المقام، فمعنى كده إننا هنحتاج نحوله لعدد كسري، وعلشان نحول الكسر لعدد كسري هنشوف الأول البسط هنا مية تلاتة وستين فيه كام عشرة، فمية تلاتة وستين هي عبارة عن مية وستين زائد تلاتة، فمعنى كده لو قسَمنا مية وستين على عشرة هتساوي ستاشر وهيتبقى تلاتة، فمعنى كده إننا لما نقسِم مية تلاتة وستين على عشرة هيدينا ستاشر وهيتبقى عندنا تلاتة، فهنكتب المتبقي في البسط اللي هي تلاتة، وفي المقام هينزل زي ما هو، فهيبقى العدد الكسري هو ستاشر وتلاتة على عشرة، فبالتالي هيبقى وزن الرجل على سطح القمر هو ستاشر وتلاتة على عشرة كيلوجرام، واللي هو حاصل ضرب سبعة وتسعين وأربعة على خمسة في واحد على ستة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.