فيديو: الجمع حتى العدد ١٠٠ بما في ذلك جمع عدد مكون من رقمين وأحد مضاعفات العدد ١٠

اجمع ٤٠ و٥٥. ٤٠ + ٥٥ = _.

٠١:٢٢

‏نسخة الفيديو النصية

اجمع أربعين زائد خمسة وخمسين.

عاوزين نجمع أربعين زائد خمسة وخمسين، هنكتبهم تحت بعض عشان نجمعهم بسهولة؛ فنكتب أربعين، وهنا زائد، وتحت الصفر خمسة، وتحت الأربعة خمسة؛ يبقى خمسة وخمسين، ونشد الشرطة بتاع الناتج، ونبدأ نجمع.

صفر زائد خمسة، معناها خمسة مش هنزوّد عليها أي حاجة، فهتفضل خمسة زي ما هي. بعدين نجمع أربعة زائد خمسة، يعني نطلّع على إيدينا أربع صوابع: واحد، اتنين، تلاتة، أربعة؛ ونزوّد عليهم خمسة: واحد، اتنين، تلاتة، أربعة، خمسة؛ يبقى الإيد دي فيها أربع صوابع، وهنجمع عليها الإيد دي اللي فيها خمس صوابع، فنعدّ الصوابع كلها، اللي هنعدّه هنشطب عليه: واحد، اتنين، تلاتة، أربعة، خمسة، ستة، سبعة، تمنية، تسعة؛ يبقى الناتج تسعة.

وبكده يكون ناتج جمع أربعين زائد خمسة وخمسين يساوي خمسة وتسعين، وهي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.