تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إنشاء متباينات خطية في مُتغيِّر واحد

أحمد مدحت

كان لدى ياسمين اختبار تاريخ. كان عليها التخطيط وكتابة ٣ مقالات في ساعتين. إجمالي الوقت الذي استغرقته في التخطيط كان ٢٥ دقيقة، واستغرقت نفس مقدار الوقت في كتابة كل مقال. إذا تبقَّى لديها بعض الوقت في النهاية للتحقُّق مما أنجزته، فاكتب متباينة لإيجاد ﻥ أقصى وقت كان من الممكن أن تستغرقه في كل مقال.

٠١:٤١

‏نسخة الفيديو النصية

عندنا في المثال إن ياسمين عندها اختبار تاريخ. وعليها إنها تخطّط وتكتب تلات مقالات في ساعتين. فكان إجمالي الوقت اللي استغرقته ياسمين في التخطيط خمسة وعشرين دقيقة. واستغرقت نفس مقدار الوقت في كتابة كل مقال. فلو تبقّى ليها بعض الوقت في النهاية للتحقّق مما أنجزته، فعايزين نكتب متباينة لإيجاد ن. وَ ن دي هي أقصى وقت كان من الممكن إن ياسمين تستغرقه في كل مقال.

في المثال اللي عندنا هنلاقي إن الوقت اللي استغرقته ياسمين في التخطيط هو خمسة وعشرين دقيقة. وياسمين هتكتب تلات مقالات. وهتستغرق نفس الوقت في كتابة كل مقال. وأقصى وقت ممكن تستغرقه ياسمين في كتابة المقال الواحد هو ن. معنى كده إن الوقت اللي هتستغرقه ياسمين علشان تكتب تلات مقالات هو تلاتة ن. وياسمين في اختبار التاريخ عليها إنها تخطّط وتكتب التلات مقالات في ساعتين. يعني مية وعشرين دقيقة. لكن ياسمين هيتبقّى ليها بعض الوقت في النهاية، علشان تتحقّق من اللي أنجزته. معنى كده إنها هتخطّط وتكتب التلات مقالات في وقت أقل من مية وعشرين دقيقة.

بكده نقدر نقول إن الوقت المستغرق في التخطيط، بالإضافة إلى الوقت المستغرق في كتابة التلات مقالات أقل من مية وعشرين دقيقة. والوقت المستغرق في التخطيط هو خمسة وعشرين دقيقة. أمّا الوقت المستغرق في كتابة تلات مقالات فهو تلاتة ن. معنى كده إن هيبقى خمسة وعشرين زائد تلاتة ن أقل من مية وعشرين. وهي دي المتباينة اللي نقدر من خلالها نوجد قيمة ن. واللي هي عبارة عن أقصى وقت كان من الممكن إن ياسمين تستغرقه في كل مقال.