فيديو: إيجاد المسافة بين نقطة وخط انعكاسها بمعلومية إحداثيات نقطة قبل وبعد الانعكاس

يرسم ماجد انعكاسًا لشكل. الرأس الأصلي للشكل يقع عند (٦، ٥)، وانعكاس هذا الرأس عند (١٦، ٥). ما المسافة بين كلٍّ من الرأسين وخط التماثل؟

٠٢:٠١

‏نسخة الفيديو النصية

يرسم ماجد انعكاسًا لشكل. الرأس الأصلي للشكل يقع عند الزوج المرتّب ستة وخمسة، وانعكاس هذا الرأس عند الزوج المرتّب ستاشر وخمسة. ما المسافة بين كلًّا من الرأسين وخطّ التماثُل؟

علشان نقدر نجاوب بسهولة، محتاجين الأول نمثّل النقطتين دول على الإحداثي السيني والإحداثي الصادي، واللي بيمثّلوا رأس الشكل، وانعكاس هذا الرأس. أول زوج مرتّب عندنا، واللي بيمثّل الرأس الأصلي للشكل، يقع عند النقطة ستة وخمسة. يعني ستة على الإحداثي السيني، وخمسة على الإحداثي الصادي. هنوصّلهم ببعض بالشكل ده، فهتكون هي دي رأس النقطة ستة وخمسة.

أمّا الزوج المرتّب اللي بيمثّل انعكاس الشكل اللي رسمه ماجد، هيكون عند النقطة ستاشر وخمسة. يعني ستاشر على الإحداثي السيني، وخمسة على الإحداثي الصادي. وبنفس الطريقة هنوصّلهم، فهتكون هي دي رأس النقطة ستاشر وخمسة.

فلو تخيّلنا إن هو ده الشكل اللي رسمه ماجد عند النقطة ستة وخمسة، والشكل ده هو انعكاس الشكل الأول عند النقطة ستاشر وخمسة، فنقدر نرسم خطّ التماثل أو محور التماثل في المسافة الوسط بين الشكل وانعكاس الشكل.

ودلوقتي نقدر نحسب المسافة بين كل من الرأسين، اللي هم دول، وخطّ التماثل اللي رسمناه ده. فهنلاقي إن المسافة بين النقطة ستة وخمسة وخطّ التماثل هو خمس وحدات. وكمان المسافة بين النقطة ستاشر وخمسة لخطّ التماثل برضو خمس وحدات.

وبكده هتكون بالفعل المسافة بين كل من الرأسين وخطّ التماثل هي خمسة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.