تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد مركبة مجهولة لإزاحة جسم بمعلومية الشغل المبذول بواسطة قوة تؤثِّر على هذا الجسم

أحمد لطفي

أثرت القوة ﻕ = (ﻡالمتّجه ﺱ − ٩ المتّجه ﺹ) نيوتن على جسم فتسببت في إزاحته مسافة ﻑ = [− ٥ المتّجه ﺱ + (ﻡ + ٦) المتّجه ﺹ] سم. إذا كان مقدار الشغل المبذول بواسطة القوة ٠٫٠٢ جول، فما قيمة ﻡ؟

٠٢:٣٥

‏نسخة الفيديو النصية

أثرت القوة ق بتساوي م في اتّجاه س وسالب تسعة في اتّجاه ص نيوتن، على جسم؛ فتسببت في إزاحته مسافة سالب خمسة في اتّجاه س وَ م زائد ستة في اتّجاه ص سنتيمتر، إذا كان مقدار الشغل المبذول بواسطة القوة اتنين من مية جول؛ فما قيمة م؟

في البداية العلاقة بين الشغل والقوة والإزاحة إن الشغل بيساوي الضرب القياسي بين القوة والإزاحة، وعشان نفتكر الضرب القياسي بين متّجهين، فهنقول لو مثلًا عندنا متّجهين المتّجه أ والمتّجه ب، وعايزين نوجد الضرب القياسي بين المتّجه أ والمتّجه ب؛ فهيساوي مركّبة أ في اتّجاه س مضروبة في مركّبة ب في اتّجاه س، زائد مركّبة أ في اتّجاه ص مضروبة في مركّبة ب في اتّجاه ص.

مُعطى إن مقدار الشغل المبذول بواسطة القوة هو عبارة عن اتنين من مية جول، فهنعوّض عن الشغل باتنين من مية، هيساوي … هنعوّض عن القوة م في اتّجاه س ناقص تسعة في اتّجاه ص، وهنعوّض عن الإزاحة سالب خمسة في اتّجاه س وَ م زائد ستة في اتّجاه ص، بس لازم نخلّي بالنا من الوحدات، مُعطى إن القوة بالنيوتن والإزاحة بالسنتيمتر؛ وبالتالي الشغل محتاجين نضربه في مية، عشان مُعطى إن الشغل بالجول؛ وبالتالي هيكون عندنا مية في اتنين على مية، يعني هيساوي اتنين، اتنين هتساوي … هنوجد الضرب القياسي، فهنضرب مركّبة س في مركّبة س، فهيكون عندنا سالب خمسة مضروبة في م. وهنضرب مركّبة ص في مركّبة ص، فهيكون عندنا سالب تسعة، مضروبة في م زائد ستة، يعني اتنين هتساوي: سالب خمسة م ناقص تسعة م ناقص أربعة وخمسين، هنجمع أربعة وخمسين على الطرفين، فهيكون عندنا ستة وخمسين بتساوي سالب أربعتاشر م؛ وبالتالي هنقسم الطرفين على سالب أربعتاشر، فهتكون عندنا م بتساوي سالب أربعة.

وبالتالي قدرنا نوجد قيمة م وكانت بتساوي سالب أربعة.