فيديو: جمع وطرح الأعداد حتى ٩

يلعب صفوت لُعبة من ألعاب الطاولة. تحرَّك صفوت من البداية ١٠ خطوات للأمام. في الدور التالي، تحرَّك ٦ خطوات للخلف. ما عدد الخطوات التي يبعُدها الآن عن نقطة البداية؟

٠٢:٥٤

‏نسخة الفيديو النصية

يلعب صفوت لُعبة من ألعاب الطاولة، تحرك صفوت من البداية عشر خطوات للأمام، في الدور التالي تحرك ست خطوات للخلف، ما عدد الخطوات التي يبعدها الآن عن نقطة البداية؟ يعني في الأول اتحرك صفوت من البداية عشر خطوات للأمام، بعد كده في الدور التالي اتحرك ست خطوات للخلف، فعايزين نعرف عدد الخطوات اللي بيبعدها صفوت دلوقتي عن نقطة البداية، وأول حاجة هنعملها إننا هنمثل الخطوات اللي اتحركها صفوت على خط الأعداد، بعد كده هنبدأ نسجل عدد الخطوات اللي اتحركها على خط الأعداد، ففي الأول اتحرك صفوت من البداية عشر خطوات للأمام، فهنيجي عند صفر وهيبقى هو نقطة البداية عندنا، وهنبدأ نتحرك عشر خطوات في الاتجاه ده، فهنوقف السهم عند عشرة، فهيبقى كده السهم ده بيمثل عشر خطوات اللي اتحركها صفوت للأمام، بعد كده هنسجل على خط الأعداد الست خطوات اللي اتحركهم صفوت للخلف، وهنبدأ من آخر نقطة وقف عندها اللي هي هنا على بُعد عشر خطوات من البداية، وهنرجع ست خطوات للخلف؛ يعني هنمشي في الاتجاه المعاكس بالشكل ده، وهنرجع ست خطوات للاتجاه المعاكس يعني هنبدأ من هنا ونعدّ ست خطوات: واحد، اتنين، تلاتة، أربعة، خمسة، ستة. فهنلاقي هنا إننا وقفنا عند العدد أربعة، فمعنى كده إن صفوت لما رجع ست خطوات للخلف اللي هي ممثَّلة بالسهم ده، فلما رجعنا ست خطوات وقفنا عند العدد أربعة، فالمطلوب في السؤال إننا نعرف عدد الخطوات اللي بيبعدها صفوت دلوقتي عن نقطة البداية.

وزي ما عرفنا إننا عملنا نقطة البداية عند العدد صفر، علشان ابتدينا من هنا فمعنى كده إننا عشان نعرف عدد الخطوات اللي بيبعدها دلوقتي عن نقطة البداية، يبقى هنعدّ عدد الخطوات اللي ما بين نقطة البداية وآخر نقطة وقف عندها، وزي ما عرفنا إن آخر نقطة وقف عندها هي كانت عند العدد أربعة؛ فمعنى كده إن عدد الخطوات اللي بيبعدها الآن عن نقطة البداية هي المسافة دي، يعني من صفر لأربعة، فلو عديناها هيبقى: واحد، اتنين، تلاتة، أربعة؛ فمعنى كده إن صفوت بيبعد دلوقتي عن نقطة البداية أربع خطوات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.