فيديو: تحديد هل المعادلة البسيطة أو المتباينة البسيطة صواب أم خطأ

هل المعادلة: ١٢٨ = ﻡ + ١٤ صحيحة أم خاطئة، علمًا بأن ﻡ = ١١٤؟

٠١:٠٤

‏نسخة الفيديو النصية

هل المعادلة: مية تمنية وعشرين تساوي م زائد أربعتاشر، صحيحة أم خاطئة؟ علمًا بأن م تساوي مية وأربعتاشر.

يعني معطى عندنا المعادلة دي. وعايزين نعرف إذا كانت صحيحة أم خاطئة. ومعطى عندنا إن قيمة م بتساوي مية وأربعتاشر. فبالتالي علشان نعرف إذا كانت المعادلة صحيحة أم خاطئة، يبقى هنعوّض عن م في المعادلة بمية وأربعتاشر. فهتبقى المعادلة عندنا مية تمنية وعشرين تساوي مية وأربعتاشر زائد أربعتاشر.

ولو جمعنا مية وأربعتاشر زائد أربعتاشر، هنلاقي إن مجموعهم بيساوي مية تمنية وعشرين. فبالتالي هيبقى الطرف الأيسر للمعادلة بيساوي الطرف الأيمن للمعادلة. فمعنى كده إن المعادلة هتبقى معادلة صحيحة. وقدرنا نعرف عن طريق إننا عوّضنا عن م بقيمتها، اللي هي مية وأربعتاشر، اللي معطاة عندنا في السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.