فيديو: تحديد المتباينة من أحد حلولها

أيٌّ من المتباينات الآتية حلها ﺱ = ٥١؟ [أ] س >٥١ [ب] س< ٥١ [ج] −س >٥٢ [د] −س >−٥٢

٠٢:٠٥

‏نسخة الفيديو النصية

أيّ من المتباينات الآتية حلّها س تساوي واحد وخمسين. أ: س أكبر من واحد وخمسين. ب: س أصغر من واحد وخمسين. ج: سالب س أكبر من اتنين وخمسين. د: سالب س أكبر من سالب اتنين وخمسين.

معطى في السؤال مجموعة من المتباينات، ومطلوب إننا نعرف أيّ من المتباينات حلّها س يساوي واحد وخمسين. يعني هنحدّد المتباينة من أحد حلولها.

هنبتدي بأول اختيار، وهو إن س أكبر من واحد وخمسين. هنعوّض عن س بواحد وخمسين، يعني هتبقى واحد وخمسين أكبر من واحد وخمسين. الكلام ده غلط، المتباينة خاطئة. إذن الحل الأولاني أو الاختيار الأولاني خطأ.

هنجرب تاني اختيار؛ اختيار ب، وهو إن س أصغر من واحد وخمسين. هنعوّض عن س بواحد وخمسين، يعني واحد وخمسين أصغر من واحد وخمسين. متباينة خاطئة، إذن اختيار ب غلط.

هنجرّب اختيار ج، هنكتب المتباينة سالب س أكبر من اتنين وخمسين. هنعوّض عن س بواحد وخمسين، يعني سالب واحد وخمسين أكبر من اتنين وخمسين. يعني إحنا بنقول إنه العدد السالب ده أكبر من اتنين وخمسين، وطبعًا ده غلط. إذن اختيار ج غلط.

اختيار د، هنتأكّد إن هو الصحيح. هنكتب المتباينة سالب س أكبر من سالب اتنين وخمسين. هنعوّض عن س بواحد وخمسين، يعني سالب واحد وخمسين أكبر من سالب اتنين وخمسين. متباينة صحيحة.

إذن الاختيار الصحيح هو: اختيار د. يعني أقدر أقول إن المتباينة اللي حلّها س يساوي واحد وخمسين، هي إنه سالب س أكبر من سالب اتنين وخمسين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.