فيديو: كتابة تعبيرات الجمع والطرح

يوضح الفيديو كيفية كتابة التعبيرات الرياضية التي تحتوي على عمليات جمع أو طرح، وذلك بالتعبير عنها بالكلمات ثم تحديد المتغيرات ثم كتابة التعبير.

٠٢:٣٦

‏نسخة الفيديو النصية

كتابة تعبيرات الجمع والطرح.

في الفيديو ده هنعرف إزاي نكتب التعبيرات، اللي بتحتوي على عمليات جمع وطرح. التعبير هو جملة عددية بتتكوّن من أعداد، أو متغيرات، أو أعداد ومتغيرات. والمتغيرات هي رموز بتدلّ على قيمة غير معروفة. إزاي بنكتب التعبيرات الرياضية؟ هنشوف دلوقتي.

اكتب تعبيرًا رياضيًّا يمثّل قيمة أكبر ص بمقدار اتنين. المثال اللي قدامنا معبّر عن التعبير الرياضي باستخدام الكلمات. و«أكبر» بتدل على الإضافة. يعني هيبقى فيه عملية جمع. فهيبقى التعبير: ص … وبما إن القيمة المطلوبة أكبر، يبقى ص زائد … وبما إن من أكبر بمقدار اتنين، فهيبقى ص زائد اتنين.

اكتب تعبيرًا رياضيًّا يمثّل الفرق بين ع، وخمسة وستون. المثال معبّر باستخدام الكلمات. وكلمة «الفرق» بتدل على عملية طرح بين ع، وخمسة وستين. فهيبقى التعبير هو: ع ناقص خمسة وستين.

سجّل عادل ثمانية أهداف. وسجل نادر عددًا من الأهداف، يقل عن أهداف عادل. اكتب التعبير الذي يمثّل أهداف نادر. عشان نكتب التعبير اللي بيعبّر عن أهداف نادر، هنشوف المعلومات اللي في المثال. فهنلاقي إن أهداف نادر أقلّ من أهداف عادل. يبقى هنعبّر عن التعبير بالكلمات، بإننا نقول إن أهداف نادر، أقلّ من أهداف عادل.

وبما إن القيمة اللي بتقل بيها أهداف نادر عن أهداف عادل، هي قيمة غير معروفة. فهنرمز لها بالرمز س. فهتبقى س بتعبّر عن كام هدف أقلّ عند نادر، مقارنةً بعادل. وبما إن الأهداف أقل، فده معناه إننا هنستخدم عملية الطرح. فهيبقى التعبير هو: تمنية اللي هو عدد أهداف عادل، ناقص س اللي هو عدد الأهداف الأقل. يبقى التعبير اللي بيعبّر عن أهداف نادر، هو: تمنية ناقص س.

يبقى في الفيديو اتعلّمنا إزاي بنكتب التعبيرات الرياضية، اللي بتحتوي على عمليات جمع وطرح. وده بإننا بنعبّر عنها بالكلمات. بعدين بنحدّد المتغيرات اللي هنحتاجها. بعد كده بنكتب التعبير.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.