نسخة الفيديو النصية
أوجد حجم الشكل الموضّح إذا كان طول حرف المكعب الواحد يساوي واحد سنتيمتر.
لو بصينا عَ الشكل اللي قدامنا هنلاقيه عبارة عن مكعب كبير، بيتكون من مجموعة مكعبات صغيرة زي المكعب المظلل بالبرتقاني اللي قدامنا ده. حرف المكعب الصغير ده بيساوي واحد سنتيمتر.
وزي ما هو واضح عندنا في الشكل، إن المكعبات الصغيرة دي كلها متماثلة. يبقى حرف كل واحد من المكعبات الصغيرة دي واحد سنتيمتر. وده معناه إن حرف المكعب الكبير هيبقى عبارة عن تلاتة سنتيمتر.
طب إحنا مطلوب مننا نوجد حجم المكعب ده. حجم المكعب بيساوي طول الضلع تكعيب. وبما إن طول الضلع في الحالة اللي عندنا دي بيساوي تلاتة سنتيمتر، فهيبقى حجم المكعب بيساوي تلاتة أُس تلاتة. اللي هي هتبقى عبارة عن تلاتة، في تلاتة، في تلاتة.
تلاتة في تلاتة بتسعة. وتلاتة في تسعة بسبعة وعشرين. يبقى حجم المكعب هيبقى سبعة وعشرين ووحدة القياس هتبقى سنتيمتر مكعب. بما إن وحدة الطول كانت سنتيمتر فوحدة الحجم دايمًا بتبقى وحدة مكعبة، فهتبقى سنتيمتر مكعب.
ويبقى كده قدرنا نوجد حجم المكعب اللي هيطلع سبعة وعشرين سنتيمتر مكعب.
