فيديو: تفسير حاصل ضرب الأعداد الصحيحة بالتجميع

انظر إلى حقائب الحلوى. اكتب الأعداد المجهولة. يوجد _ قطعة حلوى في كل حقيبة. يوجد _ حقيبة حلوى. ٣ مجموعات من ٦ تساوي _ قطعة من الحلوى إجمالًا.

٠٢:١٢

‏نسخة الفيديو النصية

انظر إلى حقائب الحلوى. اكتب الأعداد المجهولة.

عاوزين نبصّ على حقائب الحلوى اللي قدامنا دي، ونجاوب على التلات أسئلة اللي عندنا. السؤال الأول بيقول لنا إيه؟ يوجد، نقط، قطعة حلوى في كل حقيبة. والسؤال التاني: يوجد، نقط، حقيبة حلوى. والسؤال التالت: تلات مجموعات من ستة تساوي، نقط، قطعة من الحلوى إجمالًا.

أول حاجة هنفهم الصورة، بعد كده نبدأ نحلّ سؤال سؤال. الصورة عندنا فيها حقائب حلوى. دي حقيبة، ودي حقيبة، ودي حقيبة، اللي هي الشنطة يعني. كل شنطة أو كل كيس أو كل حقيبة فيه مجموعة من الحلويات، اللي هي الحلويات اللي قدامنا دي. تمام جدًّا.

تعالوا بقى نشوف أول سؤال عايز إيه. يوجد، نقط، قطعة حلوى في كل حقيبة. كل حقيبة أو كل كيس قدامنا فيه كام قطعة حلوى؟ تعالوا نعدّهم: واحد، اتنين، تلاتة، أربعة، خمسة، ستة. وزيّها بالظبط الحقيبة دي، وزيّها بالظبط الحقيبة دي. يبقى عدد الحلوى ستة. يبقى يوجد ست قطع حلوى.

الجزء التاني: يوجد، نقط، حقيبة حلوى. عندنا كام حقيبة أصلًا؟ واحد، اتنين، تلاتة. هم كلهم تلاتة.

طيب لمّا يبقى عندنا تلات حقائب حلوى، وفي كل حقيبة فيها ست قطع حلوى؛ يبقى الإجمالي كام؟ إجمالًا يعني عاوزين عدد الحلويات كلها. تعالوا نقرا السؤال: تلات مجموعات؛ اللي هم الحقائب يعني. من ستة؛ مكوّنين من ست إيه؟ قطع حلوى. تساوي، نقط، قطعة من الحلوى. إحنا عندنا تلات حقائب، كل حقيبة فيها ست قطع، يبقى الإجمالي كله كام؟ تلاتة في ستة بتساوي تمنتاشر. يبقى الإجمالي كله تمنتاشر قطعة حلوى.

وبكده نكون حلّينا كل أجزاء السؤال. الجزء الأول إجابته ستة. الجزء التاني إجابته تلاتة. الجزء التالت إجابته تمنتاشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.