فيديو: تطبيق ترتيب العمليات الحسابية في المسائل الرياضية

احسب الآتي: ٩٦ ÷ (١٩ − ١٣) × ٤.

٠١:٢٢

‏نسخة الفيديو النصية

احسب الآتي: ستة وتسعين على، تسعتاشر ناقص تلتاشر، في أربعة.

يعني معطى عندنا المقدار ده، وعايزين نوجد قيمته. فهنلاحظ إن المقدار عندنا فيه عملية قسمة، وعملية ضرب وعملية طرح، وعندنا أقواس. وخلينا في الأول نفتكر ترتيب العمليات. فأول حاجة بنعملها في ترتيب العمليات، إننا بنحل ما بداخل الأقواس، بعد كده الأسس، بعد كده عملية الضرب والقسمة، وآخر حاجة عمليات الجمع والطرح. ففي المقدار اللي عندنا، هنلاحظ إن عندنا أقواس. فيبقى أول خطوة هنعملها هي هنحلّ ما بداخل الأقواس.

فهيبقى المقدار بيساوي ستة وتسعين على … وهنحسب ما بداخل الأقواس، اللي هو تسعتاشر ناقص تلتاشر. فلمّا هنحسبها هتبقى بتساوي ستة. وهنكتب باقي المقدار زي ما هو، يعني هنضرب في أربعة. فكده بقى عندنا عملية قسمة وعملية ضرب. ومن ترتيب العمليات، الضرب والقسمة ليهم نفس الترتيب. فبالتالي هنبدأ نحسب عادي من اليمين للشمال. فيبقى المقدار بيساوي … هنقسم في الأول ستة وتسعين على ستة. ولمّا نحسبها هتساوي ستاشر. فيببقي المقدار هو ستاشر في أربعة. بعد كده هنعمل عملية الضرب، يعني هنوجد حاصل ضرب ستاشر في أربعة. ولمّا هنحسبها هتبقى بتساوي أربعة وستين. وبالتالي هيبقى قيمة المقدار هي أربعة وستين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.