فيديو: تحويل الكسور الفعلية إلى أرقام عشرية

عبِّر عن ٦/٥ في صورة عدد عشري.

٠٢:٢٨

‏نسخة الفيديو النصية

عبّر عن خمسة على ستة في صورة عدد عشري.

عشان نقدر نعبّر عن خمسة على ستة في صورة عدد عشري، هنستخدم القسمة المطوَّلة في إننا نقسم خمسة على ستة. بما إن خمسة أصغر من ستة؛ يبقى أقرب ناتج للقسمة هيكون صفر، بعدين نضرب صفر في ستة هيساوي صفر، بعدين نطرح خمسة ناقص صفر هيساوي خمسة.

بعدين نضيف علامة عشرية على يمين الخمسة وعلى يمين الصفر في الناتج، ونضيف على يمين العلامة العشرية في المقسوم صفر، وده مش هيغيّر من قيمته، بعدين ننزل الصفر ونكمل بنفس الطريقة، فنقسم خمسين على ستة؛ فهيكون أقرب ناتج هو تمنية، بعدين نضرب تمنية في ستة هيساوي تمنية وأربعين، بعدين نطرح خمسين ناقص تمنية وأربعين هيساوي اتنين.

بعدين نزود صفر تاني في أقصى اليمين في المقسوم، وننزله جنب الاتنين ونكمل بنفس الطريقة، فنقسم عشرين على ستة، فهيكون أقرب ناتج هو تلاتة، بعدين نضرب تلاتة في ستة الناتج هيساوي تمنتاشر، بعدين نطرح عشرين ناقص تمنتاشر هيساوي اتنين.

بعدين نضيف صفر في المقسوم في أقصى اليمين، وننزله جنب الاتنين ونكمل بنفس الطريقة، فنقسم عشرين على ستة؛ فأقرب ناتج هيكون تلاتة، بعدين نضرب تلاتة في ستة فالناتج هيبقى تمنتاشر، بعدين نطرح عشرين ناقص تمنتاشر هيساوي اتنين.

برضو هنضيف صفر تاني في أقصى اليمين في المقسوم، وننزله جنب الاتنين، ونقسم عشرين على ستة فأقرب ناتج هيكون تلاتة، بعدين نضرب تلاتة في ستة هيساوي تمنتاشر، بعدين نطرح عشرين ناقص تمنتاشر هيساوي اتنين، وبما إن العملية مكرّرة بنفس الشكل، والرقم تلاتة هيفضل يتكرر في الخطوات اللي بعد كده؛ فممكن نقول إن خمسة على ستة بيساوي تلاتة وتمانين من مية دائري.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.