فيديو: تطبيقات على الأعداد الموجبة والسالبة

أكمل ما يلي باستخدام عدد موجب، أو عدد سالب، أو صفر: سطح البحر يمثل بـ: _.

٠١:١٧

‏نسخة الفيديو النصية

أكمل ما يلي باستخدام عدد موجب، أو عدد سالب، أو صفر: سطح البحر يمثل بـ نقط.

وخلينا في الأول نفتكر إننا لمّا بنمثل الأعداد الصحيحة، فبتبقى دايمًا عندنا الأعداد اللي هي على يمين الصفر، اللي هي أكبر من الصفر، هي الأعداد الصحيحة الموجبة؛ زي واحد، واتنين، وتلاتة، وأربعة، وخمسة، وهكذا. وأمّا الأعداد اللي أقل من الصفر، فهي بتبقى الأعداد الصحيحة السالبة؛ زي سالب واحد، وسالب اتنين، وسالب تلاتة، وسالب أربعة، وسالب خمسة، وهكذا. وبتبقى موجودة على يسار الصفر. وأمّا العدد صفر، فهو ليس موجب، وليس سالب.

فمعنى كده إننا لو عايزين نستخدم الأعداد الصحيحة، في التعبير عن ارتفاعات أو منخفضات، فبنقدر نعبّر عن الارتفاعات، اللي هي فوق سطح البحر، بالأعداد الموجبة. وأمّا المنخفضات أو المستويات اللي تحت سطح البحر، فبنعبر عنها بالأعداد السالبة. طيب لو عايزين نعبّر عن مستوى سطح البحر نفسه، فمعنى كده إن هو مش هيبقى عدد موجب، ولا عدد سالب. فبالتالي هيبقى العدد صفر؛ لأن العدد صفر ليس موجب وليس سالب. وبالتالي هتبقى إجابة السؤال «سطح البحر يمثل بـ …» هتبقى: صفر. وهي دي إجابة السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.