فيديو: حل المسائل الكلامية التي تتضمَّن الجمع والطرح

لدى سالي ٩٨ سنتًا أمريكيًّا ولدى فارس ٦٧ سنتًا أمريكيًّا. جمعا المبلغين معًا ثم أنفقا ٨٢ سنتًا أمريكيًّا لشراء وجبات خفيفة. ما المبلغ المُتبقِّي؟

٠٢:٢٠

‏نسخة الفيديو النصية

لدى سالي تمنية وتسعين سنتًا أمريكيًّا، ولدى فارس سبعة وستين سنتًا أمريكيًّا. جمّعا المبلغين معًا، ثمّ أنفقا اتنين وتمانين سنتًا أمريكيًّا لشراء وجبات خفيفة. ما المبلغ المتبقّي؟

السؤال بيقول لنا إن فيه بنت اسمها سالي معاها تمنية وتسعين سنت أمريكي، وولد اسمه فارس معاه سبعة وستين سنت أمريكي. جمّعوا المبلغين مع بعض، وبعدين خدوا منهم، بعد ما جمّعوهم، اتنين وتمانين سنت أمريكي؛ علشان يشتروا بيهم أكل. فعاوزين نعرف اتبقّى معاهم كام سنت أمريكي.

فأول حاجة هنعملها هي إننا هنجمّع المبلغ اللي مع سالي، زائد المبلغ اللي مع فارس. فهنقول تمنية وتسعين زائد سبعة وستين، ونجمع الآحاد؛ تمنية زائد سبعة. تمنية زائد سبعة بتساوي خمستاشر. هنحطّ الخمسة تحت الآحاد، والواحد بتاع الخمستاشر فوق العشرات. بعدين نجمع العشرات؛ واحد زائد تسعة عشرة، عشرة زائد ستة ستاشر.

يبقى سالي وفارس معاهم مية خمسة وستين سنت أمريكي. صرفوا منهم اتنين وتمانين سنت أمريكي، فنقسم أو نطرح [فنطرح]‎ من المية خمسة وستين اتنين وتمانين، والناتج هيكون إجابة السؤال.

فنبدأ نطرح الآحاد؛ خمسة ناقص اتنين. خمسة ناقص اتنين بتساوي تلاتة. بعدين نطرح العشرات، ستة ناقص تمنية ما ينفعش؛ لأن الستة أقل أو أصغر من التمنية، فناخد معاها الواحد ونقول ستاشر ناقص تمنية. ستاشر ناقص تمنية بتساوي تمنية.

فده معناه إن ناتج طرح اتنين وتمانين من مية خمسة وستين هو: تلاتة وتمانين. ويبقى هو ده المبلغ اللي اتبقّى معاهم؛ تلاتة وتمانين سنتًا أمريكيًّا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.