فيديو: امتحان الفزياء الدور الثاني للعام السابق • ٢٠١٨/٢٠١٧ • السؤال العاشر ب

امتحان الفزياء الدور الثاني للعام السابق • ٢٠١٨/٢٠١٧ • السؤال العاشر ب

٠١:٤١

‏نسخة الفيديو النصية

الشغل المبذول لنقل شحنة كهربية مقدارها واحد كولوم من أحد قطبي بطارية عبر دائرة كهربية مغلقة، والعودة إلى نفس قطب البطارية، يساوي خمستاشر جول. أي خواص البطارية يصفها ذلك؟ وما قيمتها؟

فأي بطارية ممكن نمثِّلها في الدايرة على إنها قوة دافعة كهربية، وهي المسؤولة عن تمرير التيار في الدايرة. ومقاومة داخلية نتيجة المواد اللي موجودة جوّه البطارية. ولو وصَّلنا البطارية بدايرة خارجية، ولنفترض إن المقاومة المكافئة للدايرة الخارجية بتساوي 𝑅. فعلشان ننقل شحنة موجبة مقدارها واحد كولوم بداية من القطب الموجب للبطارية. وهتمشي في دايرة مغلقة مرورًا بالمقاومة، لحدّ ما توصل للقطب التاني من البطارية. وتمر في البطارية وترجع لنفس القطب اللي بدأت منه. فساعتها هنلاقي إن الشغل المبذول لنقل الشحنة دي كان بيساوي خمستاشر جول.

فلو بصّينا على الدايرة في الحالة دي، هنلاقي إن سواء كانت المقاومة الخارجية أو المقاومة الداخلية للبطارية. فالاتنين بيستهلكوا طاقة الشحنة. أما اللي بيبذل جهد على الشحنة وبيكوِّن تيار في الدايرة فهي القوة الدافعة الكهربية للبطارية. فده معناه إن السؤال بيصف القوة الدافعة الكهربية للبطارية. وبما إن القوة الدافعة الكهربية اللي بتحرّك أي شحنة بتساوي الشغل المبذول على الشحنة، مقسوم على قيمة الشحنة نفسها. فده معناه إن القوة الدافعة الكهربية للبطارية، واللي رمزها 𝑉𝐵، بتساوي خمستاشر جول على واحد كولوم. وبما إن وحدة الجول على كولوم بتساوي وحدة الفولت. فنقدر كده نقول إن القوة الدافعة الكهربية للبطارية بتساوي خمستاشر فولت. وبكده نبقى عرفنا أحد تعريفات القوة الدافعة الكهربية للبطارية، وإزاي نطلع قيمتها.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.