فيديو: إيجاد محيط شكل بمعلومية أبعاده

أوجد محيط الشكل الموضح.

٠١:٣٩

‏نسخة الفيديو النصية

أوجد محيط الشكل الموضح.

محيط أي شكل هو مجموع أطوال أضلاعه. يعني لو عايزين نجيب محيط الشكل ده، هنبدأ نجمع أطوال الأضلاع بتاعته. فهيبقى المحيط بيساوي ستة وأربعين سنتي، زائد ستة وأربعين سنتي، زائد واحد وسبعين سنتي، زائد واحد وسبعين سنتي.

دلوقتي عشان نوجد المحيط، هنبتدي نجمّع الأعداد اللي عندنا دي. هنبتدي نجمع أول عددين؛ ستة زائد ستة هيساوي اتناشر، اتنين وبعدين الواحد هنضيفه فوق. واحد زائد أربعة خمسة، زائد أربعة تسعة. يبقى أول عددين مجموعهم اتنين وتسعين. زائد … نبتدي نجمع العددين التانيين؛ واحد زائد واحد هيساوي اتنين. وبعدين سبعة زائد سبعة هيساوي أربعتاشر.

بعد كده نكمل الجمع تاني؛ نجمع اتنين زائد اتنين يبقى الناتج أربعة. وتسعة زائد أربعة مجموعهم تلتاشر، هنحط التلاتة، والواحد هنضيفه فوق الواحد اللي هنا ده؛ فيبقى عندنا كده في خانة المئات هيبقى فيه اتنين.

يبقى كده محيط الشكل طلع ميتين أربعة وتلاتين سنتيمتر. ما ننساش إن المحيط عبارة عن مجموع أطوال. فبالتالي وحدة القياس المستخدمة فيه، هتبقى هي نفسها وحدة قياس الأطوال المستخدمة في الشكل. الشكل مستخدم وحدة قياس الطول السنتيمتر، والمحيط كمان هيبقى وحدة قياسه السنتيمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.