فيديو: ترتيب الكسور المعطاة ذات المقامات المختلفة ترتيبًا تنازليًّا

رتِّب ٢/٧، ٤/٧، ٣/٧ ، ٨/٧ ترتيبًا تنازليًّا.

٠١:٥٦

‏نسخة الفيديو النصية

رتّب سبعة على اتنين، سبعة على أربعة، سبعة على تلاتة، سبعة على تمنية ترتيبًا تنازليًّا.

ترتيب تنازلي يعني عاوزين نرتّب من الكبير للصغيّر. طيب إحنا عندنا أربع كسور قدامنا عاوزين نرتّبهم. علشان نرتّب الكسور هنشوف هل هي متشابهة في البسط، ولّا متشابهة في المقام، ولّا مش متشابهة في أيّ حاجة. لو جينا نبصّ على الكسور بتاعتنا هنلاقيها كلها بسطها سبعة؛ يعني كلها ليها نفس البسط وبيساوي سبعة، أمّا المختلف هو المقام. فهنبدأ نرتّب الأعداد اللي في المقام. هنرتّبها إزاي؟ إحنا عاوزين نرتّب من الكبير للصغيّر.

طيب بما إن الأعداد دي موجودة في المقام، فأصغر عدد هيكون هو صاحب أكبر كسر؛ أصغر عدد في المقام هو صاحب أكبر كسر. طيب تعالوا كده نبصّ على الأعداد اللي في المقام. عندنا إيه في المقام؟ اتنين، أربعة، تلاتة، تمنية. مين أصغر عدد؟ الاتنين. فده معناه إن أكبر كسر هو ده، وهو سبعة على اتنين. طيب مين اللي بعد الاتنين؟ التلاتة. فده معناه إن سبعة على تلاتة هو اللي بييجي بعده. طيب بعد التلاتة؟ الأربعة. فبعدهم هتبقى سبعة على أربعة. وآخر حاجة عندنا هي سبعة على تمنية. وده هو أصغر كسر.

يبقى أكبر كسر سبعة عَ الاتنين، وأصغر كسر سبعة على تمنية. وتبقى الإجابة بالشكل ده: سبعة عَ الاتنين، سبعة على تلاتة، سبعة على أربعة، سبعة على تمنية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.